នាយករដ្ឋមន្ត្រីបារាំងមកដល់កម្ពុជា ជាមួយការសុំអន្តរាគមន៍ពីអ្នកភូមិបឹងកក់
នាយករដ្ឋមន្ត្រីបារាំងលោក François Fillon និង គណៈប្រតិភូជាន់ខ្ពស់នៃរដ្ឋាភិបាលបារាំង បានមកដល់រាជធានីភ្នំពេញហើយនៅព្រឹក ថ្ងៃសៅរ៏ ទី២ ខែ កក្កដានេះ។ ភ្លាមៗបន្ទាប់ពីចុះពីយន្តហោះ លោក Fillon បានបំពេញបេសកកម្មផ្លូវការក្នុងទីក្រុងភ្នំពេញដូចការគ្រោងទុក។ លោកបានជួបជាមួយនាយករដ្ឋមន្រ្តីកម្ពុជា លោកហ៊ុន សែនបន្ទាប់មកលោកបានអញ្ជើញទៅដាក់កម្រងផ្កាគោរពវិញ្ញាណក្ខន្ឋយុទ្ធជនពលីនៅវិមានឯករាជ្យ និងបានចូលគាល់ព្រះមហាក្សត្រខ្មែរ មុនលោកធ្វើដំណើរបន្តទៅខេត្តសៀមរាបនៅល្ងាចនេះ។ លោក Fillon ក៏បានទទួលទានអាហារពេលល្ងាចជាមួយលោកហ៊ុន សែនផងដែរ។ អ្វីគួរឲ្យកត់សម្គាល់ក្នុងដំណើរទស្សនកិច្ចរបស់លោកនាយករដ្ឋមន្រ្តីបារំាងពេលនេះ មានបញ្ហារំលោភសិទ្ធិមនុស្សពីរករណីបានសូមឲ្យលោកជួយដោះស្រាយ។ ជាការស្នើសុំដែលមិនមាននៅក្នុងរបៀបវារៈនៃដំណើរទស្សនកិច្ចរបស់លោកឡើយ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤៧
ញ្ញត្តិសុំអន្តរាគមន៍ចំនួនពីរបានទៅដល់ស្ថានទូតបារំាងប្រចំារាជធានីភ្នំពេញ មុនលោក François Fillon មកដល់កម្ពុជាម្ល៉េះ។ញ្ញត្តិទី១ គឺមកពីប្រជាពលរដ្ឋរស់នៅក្នុងតំបន់បឹងកក់ ដែលកំពុងទាមទារសិទ្ឋិលំនៅដ្ឋាន ប្រឆំាងនឹងសំណងរបស់សាលារាជធានីភ្នំពេញ និងក្រុមហ៊ុនស៊ូកាគូអ៊ីនក្នុងផែនការវិនិយោគលើដីជាលំនៅដ្ឋានរបស់អ្នកភូមិបឹងកក់។
ដោយរំពឹងថានាយករដ្ឋមន្រ្តីបារំាងអាចជួយបាន បារំាងជាសមាជិកសហគមន៍អឺរ៉ុប ជាប្រទេសផ្តល់ជំនួយដល់កម្ពុជា តំណាងប្រជាពលរដ្ឋក្នុងតំបន់បឹងកក់ នៅពីក្រោយស្ថានទូតបារំាង ក្នុងទីក្រុងភ្នំពេញ បានទទួចសុំឲ្យលោកនាយករដ្ឋមន្រ្តីបារំាង ជំរុញរដ្ឋាភិបាលកម្ពុជាដោះស្រាយករណីបឹងកក់ឲ្យបានឆាប់រហ័ស និងតម្រូវឲ្យមានការផ្តល់សំណងសមរម្យដល់ពួកគាត់។ ពលរដ្ឋទាមទារឲ្យសាលារាជធានីភ្នំពេញ និងក្រុមហ៊ុន ស៊ូកាគូអ៊ីន ដែលបានទទួលសិទ្ធិវិនិយោគតំបន់បឹងកក់ ពីរដ្ឋាភិបាលត្រូវដោះស្រាយសំណងជាដីនិងផ្ទះទំហំ ៤គុណ១៦ម៉ែត្រ ដល់អ្នកភូមិបឹងកក់ជាង១ពាន់គ្រួសារ។
ចំណែកញត្តិទី២ គឺមកពីសមាគមខ្មែរកម្ពុជាក្រោម។ តាមរយៈលោកនាយករដ្ឋមន្រ្តីបារំាង សមាគមខ្មែរកម្ពុជាចំនួន៩ ស្នើសុំរដ្ឋាភិបាលបារំាង ផ្តល់ឯកសារទំាងឡាយស្តីពីការកាត់ទឹកដីខ្មែរកម្ពុជាក្រោមទៅឲ្យប្រទេសវៀតណាមក្នុងពេលដែលបារំាងជាអាណាព្យាបាលកម្ពុជា ហើយបានសម្រេចឲ្យទឹកដីកម្ពុជាក្រោមទៅប្រទេសវៀតណាមគ្រប់គ្រងក្នុងឆ្នាំ ១៩៤៩។ សមាគមខ្មែរកម្ពុជាក្រោមទំាង៩ ក៏សុំឲ្យរដ្ឋាភិបាលបារាំងជួយអន្តរាគមន៍ទៅថ្នាក់ដឹកនាំវៀតណាមបញ្ឈប់សកម្មភាព រំលោភសិទ្ធិមនុស្សលើពលរដ្ឋខ្មែរក្រោមផងដែរ។
គេនៅមិនទាន់ដឹងថាលោក François Fillon អាចដោះស្រាយករណីទំាងពីរខាងលើនេះបានកម្រិតណានោះទេ ពីព្រោះសំណូមពរទំាងនោះមិនមាននៅក្នុងរបៀបវារៈនៃដំណើរទស្សនកិច្ច របស់លោកឡើយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ