ថ្ងៃបើកបវេសនកាលថ្មី ជាថ្ងៃទិវាមនុស្សចាស់
ថ្ងៃ១តុលានេះ ជាថ្ងៃបើកបវេសនកាល និងជាទិវាមនុស្សចាស់។ ប្រមុខរាជរដ្ឋាភិបាលកម្ពុជា កាលពីថ្ងៃទី៣០ ខែកញ្ញា បានចេញសារាចរណែនាំ អំពីការរៀបចំទិវាមនុស្សចាស់កម្ពុជា និងទិវាមនុស្សចាស់អន្តរជាតិ ថ្ងៃ១តុលា។ ប្រធានបទនៃទិវាមនុស្សចាស់ឆ្នាំនេះ គឺ “គោរពដឹងគុណមនុស្សចាស់ គឺជាកត្តញ្ញូតាធម៌ គ្រួសារមានសុភមង្គល សង្គមរីកចម្រើន។
ចុះផ្សាយនៅថ្ងៃ៖ កែប្រែថ្ងៃទី៖
បើតាមសារចរដដែលនេះ ការប្រារព្ធទិវាមនុស្សចាស់ ថ្ងៃ១តុលា មានគោលបំណងលើកកម្ពស់កិច្ចគាំពារដ៏មានប្រសិទ្ធភាព សំដៅលើកស្ទួយសុខុមាលភាពរបស់មនុស្សចាស់ឱ្យបានល្អប្រសើរ ហើយក៏បង្ហាញពីតួនាទីដ៏សំខាន់របស់មនុស្សចាស់ នៅក្នុងសង្គមជាតិ។ មនុស្សចាស់ ជាអ្នកបង្កើតធនធានមនុស្ស ផ្តល់នូវចំណេះដឹង និងបទពិសោធន៍ច្រើន សម្រាប់មនុស្សជំនាន់ក្រោយ។
នៅក្នុងលិខិតដាច់ដោយឡែកមួយទៀត លោកនាយករដ្ឋមន្ត្រី ហ៊ុន សែន បានចូលរួមអបអរសាទរ ដល់ការបើកបវេសនកាលថ្មីរបស់សិស្សានុសិស្ស សម្រាប់ឆ្នាំសិក្សា ២០១៣-២០១៤ ដែលនឹងចាប់ផ្តើម នៅថ្ងៃទី១តុលានេះ។ លោកនាយករដ្ឋមន្ត្រីហ៊ុន សែន បានអំពាវនាវនៅក្នុងលិខិតនោះ ឲ្យសិស្សានុសិស្ស ខិតខំប្រឹងប្រែងរៀនសូត្រ និងស្តាប់ការអប់រំរបស់លោកគ្រូ អ្នកគ្រូ។ លោកក៏បានលើកឡើងថា រដ្ឋាភិបាលអាណ្តត្តិថ្មី នឹងប្រើយុទ្ធសាស្ត្រលើកស្ទួយដល់ជីវភាពគ្រូបង្រៀន ដើម្បីឲ្យការអប់រំនៅកម្ពុជា កាន់តែល្អប្រសើរ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ