ជនជាតិចិន១២នាក់ជាប់ទោសនៅហ្វីលីពីនពីបទនេសាទខុសច្បាប់
តុលាការហ្វីលីពីន បានសម្រេចកាត់ទោសជនជាតិចិន ១២នាក់ ជាអ្នកនេសាទ ឱ្យជាប់ពន្ធនាគារ នៅថ្ងៃអង្គារនេះ ពីបទបានចូលនេសាទដោយខុសច្បាប់ ក្នុងដែនទឹករបស់ហ្វីលីពីន ជាប់ជម្លោះជាមួយចិន តែអង្គការយូណេស្កូបានចុះក្នុងបញ្ជីបេតិកភណ្ឌពិភពលោក តាំងពីឆ្នាំ១៩៩៣មក។ នេះគឺជាលើកទីមួយហើយ ដែលតុលាការហ្វីលីពីនកាត់ទោសជនបរទេស ក្នុងបទរំលោភច្បាប់នេសាទ ដូច្នេះ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៣០
ចាប់ខ្លួនកាលពីខែមេសា ឆ្នាំ២០១៣ នៅតំបន់ភាគខាងលិចប្រជុំកោះហ្វីលីពីន ពេលនាវាគឿង ត្រង់តំបន់ជាបេតិកភ័ណ្ឌពិភពលោក (តំបន់អភិរក្សផ្កាថ្ម) អ្នកនេសាទចិនទាំង១២នាក់ ត្រូវតុលាការហ្វីលីពីន ដាក់ទោសឱ្យជាប់ពន្ធនាគារ១២ឆ្នាំ ប្រឆាំងនឹងកាពីទែន និងពី៦ទៅ១០ ចំពោះនាវិក១១នាក់ផ្សេងទៀត។ នាវាត្រូវរឹបអូស។
ក្រៅពីត្រូវបង់ពិនិយជាប្រាក់ ម្នាក់ៗ ១០ម៉ឺនដុល្លារ ក្នុងបទបានចូលនេសាទខុសច្បាប់ អ្នកនេសាទចិនទាំង១២នាក់នេះ ត្រូវរងការកាត់ទោសពីបទបាននេសាទត្រីពូជកម្រ ដែលមានហាមឃាត់ និងអភិរក្ស។ ឆ្នាំសមុទ្ទហ្វីលីពីនបានរកឃើញវត្ថុតាង ជាសត្វ Pangolin ងាប់និងបង្កកនៅលើទូក។ Pangolin ជាសត្វ មានរុំជិតដោយស្រកា មានកន្ទុយ ជើង ចិញ្ចឹមកូនដោយទឹកដោះ និងជាសត្វដែលរងគ្រោះខ្លាំង និងដែលការពារដោយសន្ធិសញ្ញាពាណិជ្ជកម្មអន្តរជាតិ ព្រោះជាពពូជសត្វនិងរុក្ខជាតិ ជិតផុតពូជ។
មានអ្នកនេសាទ ចិន និងវៀតណាមជាច្រើននាក់ផ្សេងទៀត ដែលកំពុងរង់ចាំការកាត់ទោស នៅហ្វីលីពីន ក្នុងបទចោទប្រកាន់ប្រហាក់ប្រហែលគ្នានេះ។ កាលពីខែឧសភាកន្លងទៅ អ្នកនេសាទចិន៩នាក់ ត្រូវបានចាប់ខ្លួន នៅតំបន់ចំណិតខែ នៃតំបន់ប្រជុំកោះស្ព្រាតលី តាមបណ្តោយផ្លូវចរាចរណ៍សមុទ្ទដ៏សំខាន់របស់សមុទ្ទចិនខាងត្បូង ដែលមានជាប់ជម្លោះរវាងចិននិងបណ្តាប្រទេសជិតខាង មានជាអាទិ៍ហ្វីលីពីន វៀតណាម ...៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ