រដ្ឋាភិបាលភូមាបដិសេធការបើកការរិយាល័យតំណាងអង្គការសហប្រតិបត្តិការអ៊ីស្លាមOCI
ប្រទេសភូមា នៅទីបំផុតបានបដិសេធមិនឲ្យបើកការរិយាល័យតំណាងអង្គការសហប្រតិបត្តិការអ៊ីស្លាមហៅកាត់ថា OCI វិញអង្គការដែលប្រមូលផ្តុំដោយក្រុមប្រទេសអារ៉ាប់។ ក្រោយពីអំពើហិង្សាសម្លាប់មនុស្សនៅរដ្ឋ Arakane ប៉ែកខាងលិចប្រទេសរវាងសហគមន៍អ្នកកាន់ព្រះពុទ្ធសាសនាដែលមានគ្នាភាគច្រើននិងសហគមន៍ជនជាតិភាគតិចRohingyasដែលជាអ្នកកាន់សាសនាអ៊ីស្លាមកាលពីខែមិថុនាកន្លងផុតទៅ អង្គការ សហប្រតិបត្តិការអ៊ីស្លាមOCI បានទទួលការអនុញ្ញាតពីរដ្ឋាភិបាលភូមាដើម្បីបើកការិយាល័យសំរាប់ជ្តល់ជំនួយមនុស្សធម៌។ ក៏ប៉ុន្តែប្រឈមមុខនឹងប្រតិកម្មអារិភាពជាច្រើនមក រដ្ឋាភិបាលភូមា បានប្រែក្រឡាស់ចិត្តវិញ ។
ចុះផ្សាយនៅថ្ងៃ៖
ស្តាប់ - ០២:១៨
កាលពីខែកញ្ញាមុននេះ បេសកកម្មមួយរបស់អង្គការសហប្រតិបត្តិការអ៊ីស្លាម OCI ត្រូវបានចុះហត្ថលេខាលើអនុស្សរណៈមួយ ជាមួយរដ្ឋាភិបាលភូមា។ អនុស្សរណៈនោះ គ្រោងទុកនូវការបើកទ្វារការិយាល័យនានានៅក្នុងទីក្រុងរ៉ង់ហ្គូននិងនៅ Sittwe.ដែលជាទីប្រជុំជននៃរដ្ឋ Arakane ,ដើម្បីរៀបចំការអនុវត្តន៍នូវកម្មវិធីជំនួយមនុស្សធម៌។
ក៏ប៉ុន្តែ រលកហិង្សាដែលបានផ្ទុះឡើងនៅតំបន់ខាងលើនិងជោគវាសនាលំបាកលំបិនរបស់សហគមន៍ Rohingyas ដែលត្រូវបានអសបចាត់ទុកជាអ្នកទទួលរងទុក្ខទោសធ្ងន់ជាងគេនៅលើលោក បានជម្រុញឲ្យមានសន្ទុះចលនាសាមគ្គីភាពមួយនៅក្នុងរង្វង់អង្គការ OCI ដើម្បីជួយសង្គ្រោះដល់ជនជាតិភាគតិច Rohingyasដែលជាអ្នកកាន់សាសនាអ៊ីស្លាមដែរ។ ក៏ប៉ុន្តែនៅភូមា ដែលប្រជាជនភាគច្រើនជាអ្នកកាន់ព្រះពុទ្ធសាសនា និងមិនចូលចិត្តជនជាតិភាគតិច Rohingyas ដោយចាត់ទុកជាជនបរទេស ការប្រកាសបើកឲ្យមានតំណាងអង្គការ OCI បានបណ្តាលឲ្យផ្ទុះឡើង រលកហិង្សានៅក្នុងតំបន់។
ក្នុងរយៈពេលប៉ុន្មានថ្ងៃចុងក្រោយនេះ ព្រសង្ឃពុទ្ធសាសនាភូមា រាប់ពាន់នាក់ បានធ្វើបាតុកម្មជាច្រើនជាអាទិ៍នៅក្រុង Mandalay ប៉ែកកណ្តាលប្រទេសភូមា ប្រឆាំងនឹងគម្រោងការបើកការិយាល័យអង្គការសហប្រតិបត្តិការអ៊ីស្លាមនេះ។ ក្បួនបាតុកម្ម បានធ្វើឡើងនៅថ្ងៃចន្ទមុននៅក្នុងទីក្រុងជាច្រើន ជាពិសេសនៅទីក្រុង រ៉ង់ហ្គូនដែលព្រះសង្ឃភូមា បានដង្ហែរក្បួនលើកបដាដែលគេឃើញមានសញ្ញាក្រហមគូសខ្វែងចោលពីលើពាក្យ OCI ដែលចារនៅលើផ្ទាំងបដា។
ការស្រែកទាមទាររបស់ព្រះសង្ឃភូមា ទំនងជាត្រូវបានទទួលការយកចិត្តទុកដាក់ពីសំណាក់រដ្ឋាភិបាលភូមា ដោយហេតុថានៅទីបំផុតទៅ វិមានប្រធានាធិបតីភូមា បានជូនដំណឹងអំពីការបដិសេធរបស់ខ្លួនវិញ មិនឲ្យបើកការរិយាល័យណាមួយតំណាងឲ្យអង្គការ OCI ឡើយ ពីព្រោះយោងតាមវិមានប្រធានាធិបតីភូមា ការបើកការរិយាល័យ OCI នេះ វាមិនស្របទៅតាម ឆន្ទៈចង់បានរបស់ពលរដ្ឋភូមាឡើយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ