ចលាចលហិង្សានៅកោះហ្ក័រឌឺលូព៖ លោកម៉ាក្រុង អំពាវនាវឲ្យស្តារត្រលប់មកវិញ នូវសណ្តាប់ធ្នាប់សាធារណៈ
កោះហ្ក័រឌឺលូព របស់បារាំង បានពើបប្រទះនិងចលាចល ហិង្សា ប្រមាណ១សប្តាហ៍មកហើយ។ បាតុកម្មហិង្សា បានផ្តើមចេញពីការតវ៉ា ប្រឆាំងនឹងកាតព្វកិច្ច ចាប់បង្ខំឲ្យបុគ្គលិកពេទ្យ ចាក់វ៉ាក់សាំង។ ក្រៅពីករណីហិង្សា ដុតកង់ឡាន វាយបំផ្លាញទ្រព្យសម្បត្តិសាធារណៈ ក្រុមបាតុករហិង្សាជ្រុលនិយម បានវាយបំផ្លាញហាងទំនិញ និងលួចប្រមូលទំនិញថែមទៀតផង។ សាលារៀននៅលើកោះនេះ ត្រូវបិទផ្អាក ដោយសារតែក្រុមបាតុករបានដាករនាំងរារាំងការធ្វើដំណើរ។ រដ្ឋាភិបាលបារាំង បានបញ្ជូនកម្លាំងសមត្ថកិច្ច ចំនួន២០០នាក់ ក្នុងនោះមាន៥០នាក់ជាកងកម្លាំងពិសេស ដើម្បីទៅបង្រ្កាបក្រុមបាតុករហិង្សានៅលើកោះហ្ក័រឌឺលូពនេះ។
ចុះផ្សាយនៅថ្ងៃ៖
គួរបញ្ជាក់ថា យោងតាមតួលេខ ជិត៩០%នៃបុគ្គលិកពេទ្យនៅកោះហ្ក័រឌឺលូព (Guadeloupe) បានចាក់វ៉ាក់សាំងរួចរាល់ហើយ។ ចំណែកប្រជាពលរដ្ឋទូទៅ លើកោះនេះវិញ កម្រិតតួលេខចាក់វ៉ាក់សាំងវិញ គឺមានជិត៥០%។
ឆ្លើយតប និងវិបត្តិហិង្សានៅកោះហ្ក័រឌឺលូពនេះ លោកប្រធានាធិបតីបារាំង អេម៉ានុយអែល ម៉ាក្រុង បានថ្លែងកាលពីរសៀលថ្ងៃចន្ទ ទី២២ វិច្ឆិកា ដោយលោកបានលើកឡើងថា ក្រុមជនបង្កអំពើហិង្សា គឺជាក្រុមមួយក្តាប់តូចតែប៉ុណ្ណោះ ដែលប្រឆាំងនឹងយុទ្ធនាការចាក់វ៉ាក់សាំង។ លោកបានអំពាវនាវ ឲ្យគ្រប់ភាគីទាំងអស់ កុំយកបញ្ហាសុខភាព ធ្វើជាលេស ដើម្បីកេងចំណេញនយោបាយ ញុុះញង់ឲ្យមានចលាចល អសណ្តាប់ធ្លាប់សាធារណៈ។
07H_TRAD_PISEY_MACRON_GUADELOUPE_23 11 2021
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ