លោកឧកញ៉ា ភូ ពុយ៖ សហព័ន្ធស្រូវអង្ករកម្ពុជាបន្តស្នើសុំការគាំទ្រថវិកាពីរដ្ឋាភិបាលដើម្បីសម្រេចផែនការនាំចេញអង្ករទៅបរទេស
ចុះផ្សាយនៅថ្ងៃ៖
ស្តាប់ - ១១:៤៥
សហព័ន្ធស្រូវអង្ករកម្ពុជាបានសំដែងការព្រួយបារម្ភអំពី ការនាំចេញអង្ករកម្ពុជា ដែលបានធ្លាក់ចុះយ៉ាងគំហុក នៅអំឡុងខែសីហា និងខែកញ្ញា ខាងមុខនេះ។ មូលហេតុ គឺដោយសារតែបញ្ហាអាកាសធាតុ ដែលធ្វើឲ្យការប្រមូលផលស្រូវសែនក្រអូបជួបនឹងបញ្ហា។ ប្រឈមនឹងបញ្ហានេះ សហព័ន្ធស្រូវអង្ករកម្ពុជា បានបន្តស្នើសុំការគាំទ្រផ្នែកថវិកាពីរដ្ឋាភិបាលកម្ពុជាចន្លោះ ពី៥០ទៅ៧០លានដុល្លារ ដើម្បីប្រមូលទិញស្រូវកសិករស្តុកទុកសម្រាប់បង្កើនការនាំចេញ ដែលនឹងមានសន្ទុះខ្លាំងឡើងវិញ នៅអំឡុងខែ១១ ឬ ខែ១២ឆ្នាំ២០២០នេះ។ នេះបើតាមការអោយដឹងពីលោកឧកញ៉ា ភូ ពុយ ទីប្រឹក្សាសហព័ន្ធស្រូវអង្ករកម្ពុជា និងជាអគ្គនាយកក្រុមហ៊ុនបៃតងកម្ពុជា ដែលជាភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នារាត្រីនេះ។
