លោក សំ គន្ធាមី៖ ទោះអវត្តមានគណបក្សភ្លើងទៀនតែអង្គការនិកហ្វិកនៅតែចូលរួមសង្កេតការណ៍បោះឆ្នោត
ចុះផ្សាយនៅថ្ងៃ៖
ស្តាប់ - ០៨:៣៧
គណៈកម្មាធិការអព្យាក្រឹត និងយុត្តិធម៌ដើម្បីការបោះឆ្នោតដោយសេរី និងត្រឹមត្រូវនៅកម្ពុជា ហៅកាត់ថា(និកហ្វិក) បានអះអាងនៅថ្ងៃនេះថា អង្គការឃ្លាំមើលការបោះឆ្នោតមួយនេះ នឹងចូលរួមសង្កេតការណ៍ការបោះឆ្នោតជ្រើសតាំងតំណាងរាស្ត្រនីតិកាលទី៧ ដែលនឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ខាងមុខ។ លោក សំ គន្ធាមី នាយកប្រតិបត្តិអង្គការនិកហ្វិក បានបញ្ជាក់ថាលោកនឹងដាក់ពាក្យទៅគណៈកម្មាធិការជាតិរៀបចំការបោះឆ្នោត(គ.ជ.ប) ក្នុងពេលឆាប់ៗនេះ ដើម្បីស្នើសុំចូលរួមសង្កេតការណ៍ ដោយមានអ្នកស្ម័គ្រចិត្តប្រមាណជា៣០នាក់។ លោកថា ទោះជាគណបក្សភ្លើងទៀនមិនបានចូលរួមក្តី ក៏ប៉ុន្តែនិកហ្វិកនៅតែបន្តលើកស្ទួយលទ្ធិប្រជាធិបតេយ្យសេរីពហុបក្ស ដោយធ្វើការសង្កេតការណ៍ដំណើរការបោះឆ្នោតទៅតាមលទ្ធភាព និងដោយឯករាជ្យ តែមិនធ្វើការវាយតម្លៃលទ្ធផលឆ្នោតនោះទេ។ មិនវាយតម្លៃលទ្ធផលឆ្នោត ក៏ព្រោះតែនិកហ្វិកមានអ្នកសង្កេតការណ៍មិនគ្រប់គ្រាន់។