លោក ផៃ ស៊ីផាន៖ ទំនាស់ដីធ្លីនៅស្ទឹងត្រែង ព្រោះមានពលរដ្ឋផ្លាស់ទីលំនៅថ្មី ហើយឆ្លៀតឱកាសទាមទារសំណងពីរដ្ឋ
ចុះផ្សាយនៅថ្ងៃ៖
ស្តាប់ - ១២:៤៣
អង្គការលីកាដូ នៅថ្ងៃចន្ទនេះ បានចេញសេចក្តីថ្លែងការណ៍មួយ ទាក់ទងទៅនឹងបញ្ហាទំនាស់ដីធ្លីនៅក្នុងខេត្តស្ទឹងត្រែង ដែលធ្វើឲ្យប្រជាពលរដ្ឋប្រមាណជាង៦០គ្រួសារ រងផលប៉ះពាល់ពីគម្រោងអភិវឌ្ឍរបស់ក្រុមហ៊ុនឯកជន។ សេចក្តីថ្លែងការណ៍របស់លីកាដូ ចាត់ទុកថា នេះជាការបន្សល់នូវជម្លោះ និងចំណោទសំណួរពីពលរដ្ឋរងគ្រោះ ក្រោយពេលរដ្ឋាភិបាលសម្រេចផ្តល់ដីសម្បទានសេដ្ឋកិច្ចជាថ្មីឡើងវិញ។ ជាការឆ្លើយតប លោក ផៃ ស៊ីផាន អ្នកនាំពាក្យរដ្ឋាភិបាល ទទួលស្គាល់ពិតជាបញ្ហានេះកើតឡើងមែន តែក៏មានដំណោះស្រាយរួចរាល់ដែរ។ អ្នកនាំពាក្យរដ្ឋាភិបាល បញ្ជាក់ថា បញ្ហាទំនាស់ដីធ្លីដែលនៅត្រាំត្រែងនេះ ព្រោះមានពលរដ្ឋផ្លាស់ទីលំនៅចូលថ្មី ហើយឆ្លៀតឱកាសទុច្ចរិតចង់បានសំណងទឹកប្រាក់ពីរដ្ឋ។
