លោក ថាច់ សេដ្ឋា៖ ភ្លើងទៀនកំពុងបូកសរុបចំនួនសមាជិកថ្មីមកពីអតីតបក្សសង្រ្គោះជាតិ ដើម្បីត្រៀមប្រជែងនយោបាយ
ចុះផ្សាយនៅថ្ងៃ៖
ស្តាប់ - ១២:៤៩
ភ្ញៀវប្រចាំថ្ងៃរបស់វិទ្យុបារាំងអន្តរជាតិនៅរាត្រីនេះ គឺលោក ថាច់ សេដ្ឋា ប្រធានស្តីទីគណបក្សភ្លើងទៀន។ ការដកបម្រាមធ្វើនយោបាយរបស់អតីតមន្ត្រីជាន់ខ្ពស់គណបក្សសង្គ្រោះជាតិទាំងជាង១០០រូបនៅថ្ងៃទី១៦វិច្ឆិកាម្សិលមិញនេះ ត្រូវបានលោក ថាច់ សេដ្ឋា យល់ថា មិនមែនជាការឆ្លុះបញ្ចាំងពីប្រព័ន្ធយុត្តិធម៌ត្រឹមត្រូវទេ ដ្បិតថាត្រូវបានរំលងចោលតាំងតែផ្តើមដាក់បម្រាមមកម៉្លេះ។ លោក ថាច់ សេដ្ឋា ស្វាគមន៍ពួកគេចូលមកជ្រកក្រោមដំបូលតែមួយ ដោយមានអ្នកខ្លះបានស្នើនិងទាក់ទងមករួចរាល់ហើយ។ លោកបញ្ជាក់ថា គណបក្សភ្លើងទៀនកំពុងធ្វើការបូកសរុបចំនួនជាផ្លូវការ។ សម្រាប់លោក ថាច់ សេដ្ឋា ទោះរបត់នយោបាយបច្ចុប្បន្ន ពិបាកក្នុងការទស្សន៍ទាយថា វាសនាគណបក្សភ្លើងទៀននឹងអាចដូចវាសនាអតីតគណបក្សសង្គ្រោះជាតិឬយ៉ាងណា ក៏ប៉ុន្តែគណបក្សប្រឆាំងនេះ នឹងរួមគ្នាបន្តប្រឹងប្រែងស្វែងរកលទ្ធិប្រជាធិបតេយ្យពិតប្រាកដ តាមការរយៈការបោះឆ្នោតនៅឆ្នាំក្រោយនេះ។