លោក យង់ សាំងកុមារ៖ «ទោះជាការតស៊ូមតិជុំវិញការបោះឆ្នោតមានការលំបាក តែយើងមិនអាចនៅស្ងៀមបានទេ»
ចុះផ្សាយនៅថ្ងៃ៖
ស្តាប់ - ១២:១១
ក្រុមការងារគណបក្សចំនួន៤ គឺគណបក្សប្រជាធិបតេយ្យមូលដ្ឋាន គណបក្សភ្លើងទៀន គណបក្សឆន្ទៈខ្មែរ និងគណបក្សកែទម្រង់កម្ពុជា ដែលបានរួបរួមគ្នាធ្វើការតស៊ូមតិជុំវិញការបោះឆ្នោតបានបញ្ចប់១ជំហានហើយ ក្រោយក្រុមការងារនេះបានជួបជជែកគ្នាជាមួយអង្គការសង្គមស៊ីវិល។ ជាជំហានបន្តក្រុមការងាររបស់គណបក្សទាំង៤ នឹងដាក់លិខិតនៅសប្តាហ៍នេះ ដើម្បីស្នើសុំជួបពិភាក្សាជាមួយស្ថាប័នរដ្ឋសភា ក្រសួងមហាផ្ទៃ និង គណៈកម្មាធិការជាតិរៀបចំការបោះឆ្នោត(គ.ជ.ប) ដើម្បីរិះរកលទ្ធភាពយ៉ាងណាឲ្យមានការកែទម្រង់ គ.ជ.ប និងទាមទារឲ្យមានសេរីភាពខាងនយោបាយពេញលេញ។ លោកបណ្ឌិត យង់ សាំងកុមារ ប្រធានគណៈកម្មការនាយកគណបក្សប្រជាធិបតេយ្យមូលដ្ឋានឲ្យដឹងថា ការតស៊ូមតិដើម្បីឲ្យមានកំណែទម្រង់ការបោះឆ្នោត និងការទាមទារសេរីភាពខាងនយោបាយទំនងជាមានការលំបាក តែគណបក្សដែលបានរួមគ្នាមិនអាចនៅស្ងៀមបានទេ។