កញ្ញា លី ពិសី៖ អាពាហ៍ពិពាហ៍ស្របច្បាប់សំខាន់ក្នុងការបង្ការភាពងាយរងគ្រោះរបស់អ្នកស្រឡាញ់ភេទដូចគ្នា
ចុះផ្សាយនៅថ្ងៃ៖
ស្តាប់ - ១២:១៩
នៅថ្ងៃនេះសង្គមស៊ីវិលចេញរបាយការណ៍ពាក់កណ្ដាលអាណត្តិ នៃការពិនិត្យស្ថានភាពសិទ្ធិមនុស្សជាសកលតាមកាលកំណត់របស់ យូ ភី អ ដែលកម្ពុជាបានទទួលយកកាលពីឆ្នាំ២០១៩ អំពីសិទ្ធិអ្នកស្រឡាញ់ភេទដូចគ្នានៅកម្ពុជា។ យូ ភី អ ជាយន្តការមួយផ្ដោតលើការពិនិត្យស្ថានភាពសិទ្ធិមនុស្សជាសកលតាមការពិនិត្យរបស់អង្គការសហប្រជាជាតិ។ កញ្ញា លី ពិសី អ្នកសម្របសម្រួលអង្គការសហគមន៍ឥន្ទនូកម្ពុជា ហៅកាត់(រ៉ក់)កត់សម្គាល់ឃើញថា ៣ឆ្នាំមកនេះរដ្ឋាភិបាលអនុវត្តមិនទាន់បានអនុវត្តគ្រប់ជ្រុងជ្រោយនៅឡើយទេទាក់ទងនឹងអនុសាសន៍ដែលដាក់ចេញដោយ យូ ភី អ។ ជាក់ស្ដែង ការផាត់ចេញដៃគូអ្នកស្រឡាញ់ភេទដូចគ្នាពីការរៀបអាពាហ៍ពិពាហ៍ស្របច្បាប់ជាដើម។ ភាពស្របច្បាប់នៃទំនាក់ទំនងភេទដូចគ្នាត្រូវបានកញ្ញា លី ពិសី អះអាងថា សំខាន់និងចាំបាច់ដើម្បីបង្ការភាពងាយរងគ្រោះរបស់ពួកគេ។
