បណ្ឌិត ឈត ប៊ុនថង៖បើសិល្បៈពន្យុះឲ្យប្រើហឹង្សា ឬការរួមភេទ នោះជៀសមិនផុតប្រតិកម្មពីមហាជន
ចុះផ្សាយនៅថ្ងៃ៖
ស្តាប់ - ០៩:៤២
បន្ទាប់ពីមានប្រតិកម្មពីមហាជនយ៉ាងខ្លាំងនោះ ឧកញ៉ា ឡេង ណាវ៉ត្រា បានបញ្ជាឲ្យអ្នកគ្រប់គ្រងផលិតកម្ម Galaxy លុបចោល Video trailer បទ« are you ok» ចេញពី ទំព័រហ្វេសប៊ុកនៅប៉ុន្មាននាទីមុននេះ។ បទចម្រៀងដែលបង្ហាញពីកាយវិកាក្មេងស្រីៗកាន់កាំភ្លើងនៅក្នុងថ្នាក់រៀននេះ ត្រូវបានមហាជនរិះគន់ថា ធ្វើឲ្យប៉ះពាល់ដល់វប្បធម៌ខ្មែរ និងវិស័យអប់រំផងដែរ។ លោកបណ្ឌិត ឈត ប៊ុនថង ជាមន្ដ្រីស្រាវជ្រាវផ្នែកទំនាក់ទំនង វប្បធម៌ អប់រំ និងទេសចរណ៍ នៃរាជបណ្ឌិតសភាកម្ពុជា ថ្លែងថា សិល្បៈគឺជាអាវុធមុខពីរ។ ប្រសិនបើសិល្បៈមានបង្កប់នូវគំនិតល្អៗ នោះនឹងមានការគាំទ្រ ប៉ុន្តែបើសិល្បៈពន្យុះឲ្យប្រើហឹង្សា ឬការរួមភេទ នោះជៀសមិនផុតពីមានប្រតិកម្មពីមហាជនយ៉ាងដូច្នេះហើយ។