លោកឆេង គីមឡុង៖ ដើម្បីឲ្យសេដ្ឋកិច្ចកម្ពុជាមានកំណើនឡើងវិញនៅឆ្នាំ២០២២ រដ្ឋាភិបាលត្រូវគិតគូរលើវិស័យកសិកម្ម កសិឧស្សាហកម្ម និងវិស័យទេសចរណ៍ជាអាទិភាព
ចុះផ្សាយនៅថ្ងៃ៖
ស្តាប់ - ១២:២៤
ភ្ញៀវប្រចាំថ្ងៃរបស់វិទ្យុយើងនៅរាត្រីនេះ គឺលោកបណ្ឌិត ឆេង គីមឡុង អ្នកជំនាញផ្នែកសេដ្ឋកិច្ចនិងជានាយកនៃមជ្ឈមណ្ឌលនវានុវត្តន៍ផ្នែកអភិបាលកិច្ច និងប្រជាធិបតេយ្យនៃវិទ្យាស្ថានចក្ខុវិស័យអាស៊ី។ នៅដើមសប្តាហ៍កន្លងទៅនេះ ស្ថាប័នសេដ្ឋកិច្ចអន្តរជាតិធំៗ មានដូចជា Worldbank ADB និង IMF បានព្យាករពីស្ថានភាពសេដ្ឋកិច្ចកម្ពុជានៅឆ្នាំ២០២១ជាថ្មីម្តងទៀត ដោយទម្លាក់ការរំពឹងនៃកំណើនសេដ្ឋកិច្ចនៅឆ្នាំ២០២១នេះ មកត្រឹម២.២% ខុសពីពេលដើមឆ្នាំដែលស្ថាប័នទាំងនេះដាក់ការរំពឹងប្រមាណ៤%។ ក៏ប៉ុន្តែសម្រាប់ឆ្នាំ២០២២ ស្ថាប័នទាំងនេះព្យាករដោយខ្ពស់ថា សេដ្ឋកិច្ចកម្ពុជានឹងមានកំណើនប្រមាណ៥%។ លោកបណ្ឌិតឆេង គីមឡុង លើកឡើងថា ដើម្បីឲ្យសេដ្ឋកិច្ចកម្ពុជាអាចមានកំណើនដូចការព្យាករណ៍នេះ រដ្ឋាភិបាលត្រូវចាប់ផ្តើមគិតគូរជាចាំបាច់លើវិស័យកសិកម្ម វិស័យកសិឧស្សាហកម្ម និងវិស័យទេសចរណ៍ជាអាទិភាព។