លោក វណ្ណ សូផាត៖សូមដោះលែងពលរដ្ឋ ហើយផ្តល់សំណងតាមទីផ្សារទើបអាចបញ្ចប់ជម្លោះដីធ្លី
ចុះផ្សាយនៅថ្ងៃ៖
ស្តាប់ - ១២:២០
ពលរដ្ឋចំនួន៣០នាក់ត្រូវបានចាប់ខ្លួននៅក្នុងជម្លោះដីធ្លីរវាងអ្នកភូមិ និងក្រុមហ៊ុនសាងសង់ព្រលានយន្តហោះថ្មីក្នុងខេត្តកណ្តាល ខណៈដែលអាជ្ញាធរអះអាងថាកម្លាំងសមត្ថកិច្ច១៣នាក់រងរបួស កាលពីថ្ងៃអាទិត្យម្សិលមិញ។ មន្ត្រីសិទ្ធិមនុស្សបានហៅការប៉ះទង្គិចគ្នានេះថាដោយសារតែការប្រើកម្លាំងសមត្ថកិច្ចច្រើនហួសហេតុរារាំងពលរដ្ឋមិនឲ្យចូលទៅកាន់ដីស្រែរបស់ពួកគេដែលក្រុមហ៊ុនឈូសឆាយដោយមិនទាន់ផ្តល់សំណង។ លោក វណ្ណ សូផាត មន្ត្រីសម្របសម្រួលផ្នែកធុរកិច្ច និងសិទ្ធិមនុស្ស របស់មជ្ឈមណ្ឌលសិទ្ធិមនុស្សកម្ពុជា ទទួចឲ្យដោះលែងពលរដ្ឋដែលត្រូវបានចាប់ខ្លួន ហើយផ្តល់សំណងទៅតាមតម្លៃទីផ្សារទើបអាចបញ្ចប់ជម្លោះនេះបាន។