បណ្ឌិត ព្រុំ ម៉ល់៖ វចនានុក្រមភាសាខ្មែរបច្ចុប្បន្ន បានបន្ថែមពាក្យថ្មី និងពន្យល់ន័យបែបថ្មីទៅលើពាក្យចាស់
ចុះផ្សាយនៅថ្ងៃ៖
ស្តាប់ - ១២:១៦
ក្រុមអ្នកអក្សរសាស្ត្រ និងសង្គមសាស្ត្រក្នុងគម្រោងបច្ចុប្បន្នកម្មវចនានុក្រមខ្មែរនៅរាជបណ្ឌិត្យសភាកម្ពុជា កាលពីចុងខែសីហាកន្លងទៅ បានចេញផ្សាយវចនានុក្រមភាសាខ្មែរបច្ចុប្បន្ន ភាគទី១ (ក-ន) បោះពុម្ពលើកទី១ ជាផ្លូវការ ដើម្បីលើកកម្ពស់ការអភិរក្ស និងអភិវឌ្ឍអក្សរសាស្រ្តជាតិនាពេលបច្ចុប្បន្ន។ លោកបណ្ឌិតសភាចារ្យ ព្រុំ ម៉ល់ ប្រធានក្រុមការងារគម្រោងបច្ចុប្បន្នកម្មវចនានុក្រមខ្មែរ និងជាសមាជិកពេញសិទ្ធិនៃរាជបណ្ឌិត្យសភាកម្ពុជា បានលើកឡើងថា វចនានុក្រមភាសាខ្មែរថ្មីនេះ គឺបានផ្តល់ការពន្យល់ន័យបែបថ្មីដែលត្រូវនឹងបរិបទបច្ចុប្បន្ន ទៅលើពាក្យចាស់ដែលមានស្រាប់។ បន្ថែមលើនេះ ក្រុមការងាររបស់លោកក៏បានបន្ថែមនូវពាក្យថ្មីៗមួយចំនួនទៀតផងដែរ។
