លោក ឃួង ស្រេង៖ អ្នកជំងឺកូវីដ-១៩ ពី៤០០ទៅ៥០០នាក់ ត្រូវបានអនុញ្ញាតឲ្យព្យាបាលតាមផ្ទះ
ចុះផ្សាយនៅថ្ងៃ៖
ស្តាប់ - ១០:០៨
អ្នកជំងឺកូវីដ-១៩ ដែលមានស្ថានភាពស្រាល ប្រមាណពី៤០០ ទៅ៥០០នាក់ នៅរាជធានីភ្នំពេញ ត្រូវបានលើកទឹកចិត្តឲ្យសម្រាកព្យាបាលនៅតាមផ្ទះ ដោយត្រូវគោរពតាមលក្ខខណ្ឌនីតិវិធីប្រតិបត្តិស្តង់ដារ (SOP)របស់ក្រសួងសុខាភិបាល។ នេះបើតាម លោក ឃួង ស្រេង អភិបាលរាជធានីភ្នំពេញ។ លោកអភិបាលរាជធានីបន្តថា បន្ទាប់ពីបញ្ចប់ការចាក់វ៉ាក់សាំងនៅថ្ងៃទី៨ ខែកក្កដានេះទៅ អាជ្ញាធររាជធានីតាមរយៈខណ្ឌទាំង១៤ នឹងបន្តអប់រំ ណែនាំប្រជាពលរដ្ឋជាបន្តទៀត ព្រមទាំងព្រមានថា នឹងចាត់វិធានការយ៉ាងតឹងរឹង និងមិនលើកលែងចំពោះបុគ្គលណា ដែលប្រព្រឹត្តល្មើសច្បាប់ អំឡុងពេលនៃ ការប្រយុទ្ធប្រឆាំងនឹងការឆ្លងរាលដាលនៃជំងឺកូវីដ-១៩ នៅក្នុងភូមិសាស្ត្ររាជធានីភ្នំពេញ។