លោក ជៀប សួរ៖ ក្នុងករណីក្រុមហ៊ុន KrisEnergy Cambodia មិនមានលទ្ធភាពអភិវឌ្ឍន៍ទៅមុខបាន នោះរដ្ឋនឹងរកដៃគូថ្មី
ចុះផ្សាយនៅថ្ងៃ៖
ស្តាប់ - ០៧:៤៧
រដ្ឋាភិបាលនៅបន្តធ្វើការជាមួយក្រុមហ៊ុន KrisEnergy Cambodia នៅឡើយ ដែលក្រុមហ៊ុននេះ បានចុះបញ្ជីនៅកម្ពុជា ហើយក៏ជាភាគីនៃកិច្ចព្រមព្រៀងប្រេងកាតជាមួយកម្ពុជាដែរ ខណៈក្រុមហ៊ុនមេ នឹងត្រូវតុលាការមួយនៃប្រទេសអង់គ្លេស កាត់សេចក្តីករណីបណ្តឹងរំលាយក្រុមហ៊ុននៅថ្ងៃទី១២ ខែកក្កដា ឆ្នាំ២០២១ នេះ។ លោក ជៀប សួរ អគ្គនាយកនៃអគ្គនាយកដ្ឋានប្រេងកាត ក្រសួងរ៉ែ និងថាមពល បានថ្លែងថា ប្រេងឆៅដែលបូមបានពីប្លុក A នៅមិនទាន់បាននាំចេញនៅឡើយ ដោយស្ថិតនៅក្នុងការពិភាក្សាជាមួយក្រុមហ៊ុន KrisEnergy Apsara Company ។ តាមលោក ជៀប សួរ ក្នុងករណីដែលក្រុមហ៊ុនមិនមានផែនការអភិវឌ្ឍន៍បន្តទៅមុខទៀតបាន នោះនឹងឈានទៅដល់ការបញ្ចប់កិច្ចព្រមព្រៀងប្រេងកាត ហើយលោកជឿងថា រដ្ឋាភិបាលនឹងរកដៃគូថ្មី ដែលមានសមត្ថភាពគ្រប់គ្រាន់ទាំងហិរញ្ញវត្ថុ និងបច្ចេកទេស។
