លោកហុក គឹមចេង៖ក្នុងចំណោមអ្នកជំងឺកូវីដទាំងអស់ គឺកម្រិតធ្ងន់មាន៥% មធ្យម១៥% និងកម្រិតស្រាលមាន៨០%
ចុះផ្សាយនៅថ្ងៃ៖
ស្តាប់ - ១១:៣៤
ភ្ញៀវប្រចាំថ្ងៃរបស់យើងនៅរាត្រីនេះ គឺលោកវេជ្ជបណ្ឌិតហុក គឹមចេង ដែលជាអគ្គនាយកបច្ចេកទេសនៃក្រសួងសុខាភិបាលកម្ពុជា។ នៅថ្ងៃអង្គារនេះ ក្រសួងសុខាភិបាលបានរកឃើញអ្នកឆ្លងជំងឺកូវីដ១៩ថ្មីជិត១ពាន់នាក់បន្ថែមទៀតដែលកើនឡើងជាងកាលពីថ្ងៃចន្ទ និងថ្ងៃអាទិត្យកន្លងទៅ។ ចំពោះបញ្ហានេះ លោកវេជ្ជបណ្ឌិតហុក គឹមចេង បានគូសបញ្ជាក់ថា ការរកឃើញចំនួនអ្នកឆ្លងកើនច្រើនបែបនេះ គឺដោយសារតែប្រើប្រាស់ឧបករណ៍ធ្វើតេស្តរហ័ស ហើយបន្ទាប់មកយកទៅបន្តធ្វើតេស្តនៅក្នុងមន្ទីរពិសោធន៍តាមក្រោយ។ បើតាមលោកហុក គឹមចេង អ្នកឆ្លងថ្មីភាគច្រើន គឺស្ថិតនៅក្នុងតំបន់ក្រហម។ សរុបជារួមមកវិញ លោកហុក គឹមចេង បានបង្ហាញឱ្យដឹងថា នៅក្នុងចំណោមអ្នកជំងឺកូវីដ១៩ទាំងអស់ដែលកំពុងសម្រាកព្យាបាល គឺកម្រិតធ្ងន់មានប្រមាណពី៣ទៅ៥% កម្រិតមធ្យម១៥% និងកម្រិតស្រាលប្រមាណជាង៨០%។