កញ្ញា រិទ្ធី លំអរពេជ្រ៖ ការអបអរពិធីចូលឆ្នាំខ្មែរនៅផ្ទះ ជាការរួមចំណែកកាត់បន្ថយការឆ្លងជំងឺកូវីដ១៩
ចុះផ្សាយនៅថ្ងៃ៖
ស្តាប់ - ១២:១៥
ភ្ញៀវប្រចាំថ្ងៃរបស់វិទ្យុបារាំងអន្ដរជាតិនាថ្ងៃនេះ គឺកញ្ញា រិទ្ធី លំអរពេជ្រ ស្ថាបនិកកម្មវិធីបុណ្យភូមិ។ កម្មវិធីបុណ្យភូមិដែលកំពុងផ្សាយតាមបណ្ដាញសង្គម ដើម្បីអបអរពិធីបុណ្យចូលឆ្នាំខ្មែរ។ កញ្ញា រិទ្ធី លំអរពេជ្រ បានគូសបញ្ជាក់ថា ការរៀបចំធ្វើបុណ្យភូមិក្នុងទម្រង់ឌីជីថលនាពេលនេះ ធ្វើឡើងក្នុងគោលដៅរក្សាស្មារតីបុណ្យភូមិ ក៏ដូចជាផ្ដល់កម្មវិធីកម្សាន្តដល់ប្រជាពលរដ្ឋដែលនៅផ្ទះមិនបានចេញទៅក្រៅ។ សម្រាប់ពិធីបុណ្យចូលឆ្នាំខ្មែរដែលនឹងឈានចូលមកដល់នេះ កញ្ញា រិទ្ធី លំអរពេជ្រ អំពាវនាវឲ្យប្រជាពលរដ្ឋសម្រាកនៅផ្ទះ។ ការសម្រាកនៅផ្ទះ ដែលកញ្ញាបញ្ជាក់ថា ជាការរួមចំណែកដ៏សំខាន់ក្នុងការកាត់បន្ថយការឆ្លងជំងឺកូវីដ១៩នៅក្នុងសហគមន៍។