លោកហ្វា សាលី៖ក្រសួងសុខាភិបាលគួរពន្លឿនការចាក់វ៉ាក់សាំងដល់កម្មកររោងចក្រ និងកម្មករសេដ្ឋកិច្ចក្រៅប្រព័ន្ធ
ចុះផ្សាយនៅថ្ងៃ៖
ស្តាប់ - ១១:១៩
នៅសប្តាហ៍ក្រោយនេះ កម្ពុជានឹងទទួលបានវ៉ាក់សាំងបង្ការជំងឺកូវីដ១៩ Sinovacដែលទិញពីចិនចំនួន១លាន៥០ម៉ឺនដូស ខណៈវ៉ាក់សាំង sinopharmដែលជាជំនួយចិនចំនួន៤០ម៉ឺនដូសនឹងមកដល់នៅខែក្រោយ។ ចំពោះបញ្ហានេះ លោកហ្វា សាលី ប្រធានសម្ព័ន្ធសហជីពជាតិ បានស្នើរដ្ឋាភិបាលកម្ពុជាតាមរយៈក្រសួងសុខាភិបាល និងក្រសួងការងារឱ្យជួយពន្លឿនការងារចាក់វ៉ាក់សាំងដល់កម្មករនិយោជិតក្នុងវិស័យកាត់ដេរ និងនៅក្នុងវិស័យសេដ្ឋកិច្ចក្រៅប្រព័ន្ធផ្សេងទៀត។ បើតាមលោកហ្វា សាលី ពួកគេទាំងនេះ គឺជាអ្នកដែលប្រឈមខ្លាំងនឹងហានិភ័យឆ្លងជំងឺកូវីដ១៩។ បន្ថែមលើនេះ ប្រធានសហជីពរូបនេះ ក៏បានស្នើឱ្យរដ្ឋាភិបាលកម្ពុជាផ្អាកការប្រារព្ធពិធីបុណ្យចូលឆ្នាំថ្មីប្រពៃណីជាតិផងដែរ ដើម្បីទប់ស្កាត់ការឆ្លងរាលដាលបន្ថែមនៃជំងឺកូវីដ១៩នៅកម្ពុជា។