លោក អាត់ ធន់៖កម្មករកាត់ដេរប្រឈមនឹងការឆ្លងកូវីដ១៩ដោយសារមិនអាចរក្សាគម្លាតសុវត្ថិភាព
ចុះផ្សាយនៅថ្ងៃ៖
ស្តាប់ - ១១:១៦
បើទោះបីជាមានទីតាំងអាជីវកម្មជាង១០០កន្លែងទាំងនៅភ្នំពេញ និងនៅក្រុងព្រះសីហនុត្រូវបានផ្អាកដោយសារតែព្រឹត្តិការណ៍សហគមន៍២០កុម្ភៈក៏ដោយ តែសង្វាក់ផលិតកម្មនៅតាមរោងចក្រកាត់ដេរវិញគឺនៅតែដំណើរការជាធម្មតា។ មិនត្រឹមតែប៉ុណ្ណោះមួយរយៈចុងក្រោយនេះ វិស័យកាត់ដេរហាក់ដូចជាល្អឡើងវិញ ដោយសារតែមានការបញ្ជាទិញច្រើន ខណៈដែលប្រទេសភូមា និងឥណ្ឌា ជាគូរប្រជែងមិនអាចទប់ស្កាត់កូវីដ១៩។ នេះជាការលើកឡើងរបស់ លោក អាត់ ធន់។ ប៉ុន្តែប្រធានសហភាពការងារកម្ពុជា រូបនេះ ព្រួយបារម្ភថា កម្មករកាត់ដេរនៅកម្ពុជា នៅមានការប្រឈមមុខខ្ពស់នឹងការឆ្លងកូវីដ១៩ ដោយសារតែពួកគេ មិនអាចរក្សាគម្លាតសុវត្ថិភាព ព្រោះតែការជិះរថយន្តប្រជ្រៀតគ្នា ច្រកចេញចូលតូចចង្អៀត កន្លែងបរិភោគ និងកន្លែងរង់ចាំមិនមានរបៀបរៀបរយ។
