លោកស្រីឱ វណ្ណឌីន៖កម្ពុជាបានត្រៀមខ្លួនទទួលយកវ៉ាក់សាំងរបស់ចិននិងកន្លែងរក្សាទុករួចហើយ
ចុះផ្សាយនៅថ្ងៃ៖
ស្តាប់ - ១៤:១៦
វ៉ាក់សាំងរបស់ចិន៣០ម៉ឺនដូសក្នុងបរិមាណសរុប១លានដូសអាចនឹងដឹកមកដល់ប្រទេសកម្ពុជាមុនពិធីបុណ្យចូលឆ្នាំចិននៅថ្ងៃទី១២ខែកុម្ភៈ។ ហើយការរង់ចាំវ៉ាក់សាំងរបស់ចិននៅពេលនេះក៏ស្របពេលដែលវ៉ាក់សាំងរបស់ក្រុមហ៊ុនចិន(Sinopharm)ស៊ីណូហ្វាមបេជីងនេះ ស្ថិតនៅក្នុងការត្រួតពិនិត្យគុណភាពនិងប្រសិទ្ធិភាពដោយអង្គការសុខភាពពិភពលោកដែរ។ ជាមួយគ្នានេះ ក្រសួងសុខាភិបាលកម្ពុជាបានត្រៀមខ្លួនរួចជាស្រេចក្នុងការទទួលយកវ៉ាក់សាំង និងកន្លែងរក្សាទុកផងដែរ។ កន្លែងរក្សាទុកវ៉ាក់សាំងត្រូវបានអ្នកនាំពាក្យក្រសួងសុខាភិបាលកម្ពុជាធានាថា ត្រូវតាមស្តង់ដារបស់ក្រុមហ៊ុន (Sinopharm)ស៊ីណូហ្វាមបេជីង។ នៅពេលដែលវ៉ាក់សាំងដឹកមកដល់ហើយ កម្ពុជាមិនទាន់ផ្ដើមយុទ្ធនាការចាក់វ៉ាក់សាំងភ្លាមទេដោយរងចាំការណែនាំពីភាគីចិនជាមុនសិន។
