លោកស្រីមួរ សុខហួរ៖មក ឬមិនមកកម្ពុជា នឹងឃើញច្បាស់ទាំងអស់គ្នានៅចុងសប្តាហ៍នេះ
ចុះផ្សាយនៅថ្ងៃ៖
ស្តាប់ - ១៣:៣៨
តាមគម្រោង ថ្ងៃទី១៥ ខែមករានេះ គឺជាថ្ងៃកំណត់វិលចូលស្រុកខ្មែរវិញរបស់ក្រុមមន្រ្តីជាន់ខ្ពស់នៃអតីតបក្សសង្រ្គោះជាតិដែលដឹកនាំដោយលោកស្រីមួរ សុខហួរ។ លោកស្រីមួរ សុខហួរ អនុប្រធានអតីតបក្សប្រឆាំងបានអះអាងប្រាប់វិទ្យុបារាំងអន្តរជាតិពីអាមេរិកមកថា ក្រុមមន្រ្តីជាន់ខ្ពស់នៃអតីតបក្សសង្រ្គោះជាតិបានត្រៀមខ្លួនរួចរាល់អស់ហើយ ដើម្បីឡើងយន្តហោះមកកម្ពុជាដោយឆ្លងកាត់ប្រទេសសិង្ហបុរី។ លោកស្រីមួរ សុខហួរ បានគូសបញ្ជាក់ថា ក្រុមមន្រ្តីជាន់ខ្ពស់អតីតបក្សប្រឆាំងនឹងមកដល់កម្ពុជានាល្ងាចថ្ងៃទី១៧ ខែមករា និងអះអាងថា គម្រោងនេះមិនប្រែប្រួលឡើយព្រោះអតីតបក្សសង្រ្គោះជាតិមិនយករឿងនេះមកលេងសើច ឬភូតភរប្រជាពលរដ្ឋខ្មែរទេ។