លោក ច្រឹក សុខនីម´៖ ការអនុគ្រោះពន្ធប្រថាប់ត្រា គឺជាកាតាលីករជម្រុញឲ្យមានការទិញលក់កាន់តែច្រើន
ចុះផ្សាយនៅថ្ងៃ៖
ស្តាប់ - ១០:៥១
នៅក្នុងការជ្រើសរើសប្រធានដឹកនាំអាណត្តិថ្មីរបស់សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា កាលពីម្សិលមិញ លោក ច្រឹក សុខនីម ដែលជាប្រធានចាស់ បានជាប់ឆ្នោតជាថ្មីម្តងទៀតបន្តដឹកនាំសមាគមនេះ។ នៅក្នុងអាណត្តិ២ឆ្នាំជាបន្តនេះ លោក ច្រឹក សុខនីម បានដាក់ចេញនូវផែនការអត្ថិភាពគោលចំនួន៧ និងសកម្មភាពចំនួន១១ ក្នុងគោលដៅធ្វើឲ្យប្រសើរឡើងបន្ថែមទៀត នូវវិស័យអចលនទ្រព្យកម្ពុជា ខណៈសមាគមនេះ ជំនះបានវិបត្តិនានា ដែលបណ្តាលមកពីឥទ្ធិពលនៃកូវីដ១៩។ ជាមួយគ្នានេះ លោក ច្រឹក សុខនីម បានបញ្ជាក់ថា ទីផ្សារអចលនទ្រព្យកម្ពុជានឹងនៅតែមានភាពរស់រវើក ខណៈដែលមានការអនុគ្រោះពន្ធប្រថាប់ត្រាពីរដ្ឋាភិបាលបន្ថែមទៀតនៅឆ្នាំក្រោយ សម្រាប់លំនៅដ្ឋាន ដែលមានតម្លៃស្មើ ឬក្រោម៧ម៉ឺនដុល្លារ។