លោក ឃុន សុខា៖ ស្ថានភាពទឹកជំនន់បានធូស្រាល ប្រជាពលរដ្ឋមួយចំនួនបានវិលទៅគេហដ្ឋានរបស់ខ្លួនបណ្តើៗហើយ
ចុះផ្សាយនៅថ្ងៃ៖
ស្តាប់ - ១១:៥១
គិតត្រឹមថ្ងៃទី ២៤ តុលា ម្សិលមិញនេះ គ្រោះទឹកជំនន់នៅកម្ពុជាបានធ្វើអោយប៉ះពាល់ដល់ប្រជាពលរដ្ឋប្រមាណជា ១៣ម៉ឺនគ្រួសារ ស្មើនឹងជាង ៥៤ម៉ឺននាក់នៅក្នុង២០រាជធានី-ខេត្ត។ គ្រោះទឹកជំនន់ ដែលក៏បានបណ្តាលអោយមនុស្ស៤០នាក់ស្លាប់ ក្នុងនោះខេត្តបន្ទាយមានជ័យស្លាប់ច្រើនជាងគេ គឺ ២៣នាក់។ យ៉ាងណាក្តី លោក ឃុន សុខា អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ ដែលជាភ្ញៀវប្រចាំថ្ងៃរបស់វិទ្យុបារាំងអន្តរជាតិ នៅរាត្រីនេះ បានថ្លែងថា គិតត្រឹមល្ងាចថ្ងៃទី ២៥ តុលានេះ ស្ថានភាពទឹកជំនន់នៅខេត្តមួយចំនួនបានធូស្រាលឡើងវិញហើយ ហើយប្រជាពលរដ្ឋដែលត្រូវបានជម្លៀសមួយចំនួន ក៏បានវិលត្រឡប់ទៅគេហដ្ឋានរបស់ខ្លួនវិញខ្លះៗហើយដែរ។ បើតាមលោក ឃុន សុខា គ្រោះទឹកជំនន់បានធូរស្រាល អាជ្ញាធរកំពុងគិតគូរពីការស្តាឡើងវិញ ពិសេសហេដ្ឋារចនាសម្ព័ន្ធ និងផលដំណាំរបស់ប្រជាពលរដ្ឋជាដើម។