លោក ផល វ៉ាន់ឌី៖ សមាគមចូលរួម និងគាំទ្រអនុសាសន៍របស់ប្រមុខរដ្ឋាភិបាលក្នុងគ្រាដ៏លំបាកដោយទឹកជំនន់នេះ
ចុះផ្សាយនៅថ្ងៃ៖
ស្តាប់ - ១០:២៤
លោកនាយករដ្ឋមន្ត្រី ហ៊ុន សែន នៅក្នុងពិធីសំណេះសំណាល និងចែកអំណោយដល់ប្រជាពលរដ្ឋនៅខេត្តបន្ទាយមានជ័យ ដែលរងគ្រោះដោយទឹកជំនន់ កាលពីថ្ងៃម្សិលមិញ បានធ្វើការអំពាវនាវជាថ្មីម្តងទៀត ឲ្យគ្រឹះស្ថានមីក្រូហិរញ្ញវត្ថុ និងធនាគារមានការយោគយល់ ដល់ប្រជាពលរដ្ឋជាកូនបំណុល ដែលកំពុងរងគ្រោះដោយទឹកជំនន់ តែលោកមិនការពារអ្នកដែលជឿតាមការញុះញង់ណាមួយមិនឲ្យសងបំណុល ឬការបំផុសបំផុលឲ្យទៅដកលុយពីធនាគារនោះទេ។ លោក ផល វ៉ាន់ឌី នាយកប្រតិបត្តិសមាគមមីក្រូហិរញ្ញវត្ថុកម្ពុជាថ្លែងថា ជំហររបស់សមាគមគឺចូលរួម និងគាំទ្រជានិច្ចនូវអនុសាសន៍របស់ប្រមុខរដ្ឋាភិបាល នៅក្នុងកាលៈទេសៈ ដែលប្រជាជនកំពុងជួបប្រទះការលំបាកដោយទឹកជំនន់នាពេលនេះ។
