តើករណីលោក ថេង សាវឿន អាចពាក់ព័ន្ធគម្រោងបដិវត្តន៍កសិករដែរឬទេ?
ចុះផ្សាយនៅថ្ងៃ៖
ស្តាប់ - ១២:១១
មន្ត្រីជាន់ខ្ពស់ក្រសួងមហាផ្ទៃ លោក ខៀវ សុភ័គ បានអះអាងថា ការចាប់ខ្លួនលោក ថេង សាវឿន និងសហការី២រូបផ្សេងទៀត ដោយសង្ស័យថា ជាប់ទាក់ទិននឹងផែនការធ្វើបដិវត្តន៍កសិករ ក្រោយសមត្ថកិច្ចរកឃើញឯកសារមួយចំនួនក្នុងកុំព្យូទ័ររបស់លោកបានបង្ហាញពីខ្លឹមសារបដិវត្តន៍ និងផ្អែកតាមការសារភាពអំឡុងពេលនីតិវិធីសាកសួរដោយសមត្ថកិច្ចនៃស្នងការខេត្តរតនៈគិរី។ ក៏ប៉ុន្តែអ្នកវិភាគចាត់ទុកថា ពាក្យបដិវត្តន៍នេះមិនមែនស្ថិតក្នុងន័យបង្កភាពវឹកវរដល់សង្គមជាតិ។ ប៉ុន្តែជាការផ្លាស់ប្តូរ និងកែប្រែពីផលអវិជ្ជមានមកជាវិជ្ជមានវិញ។ ទន្ទឹមនឹងនេះ ករណីលោក ថេង សាវឿន អ្នកវិភាគយល់ថា សកម្មជនរូបនេះមិនមានអំណាច ឬឥទ្ធិពលឯណាធ្វើបដិវត្តន៍ទម្លាក់រដ្ឋាភិបាលអ្វីឡើយ។
