ព្រឹត្តិការណ៍កម្ពុជាប្រចាំថ្ងៃ
ដំណើរទស្សនកិច្ចមន្ត្រីជាន់ខ្ពស់អាមេរិកមកកម្ពុជា៖ សង្គមស៊ីវិលចង់ឃើញការពិភាក្សាពីបញ្ហាសិទ្ធិមនុស្ស និងប្រជាធិបតេយ្យឲ្យបានផុសផុល
ចុះផ្សាយនៅថ្ងៃ៖
ស្តាប់ - ១១:០៨
ឧបការីក្រសួងការបរទេសសហរដ្ឋអាមេរិក លោក Daniel J. Kritenbrink នឹងមកបំពេញទស្សកិច្ចនៅប្រទេសកម្ពុជា និងឡាវ ចំនួន១សប្តាហ៍ ចាប់ពីថ្ងៃទី១ដល់ថ្ងៃទី៧ខែឧសភា។ នេះបើតាមសេចក្តីប្រកាសរបស់ក្រសួងការបរទេសអាមេរិក នាថ្ងៃទី២៩មេសា។ អំឡុងពេលបំពេញទស្សនកិច្ចនៅកម្ពុជា ឧបការីក្រសួងការបរទេសរូបនេះនឹងជួបជាមួយប្រមុខការទូតកម្ពុជា លោក ប្រាក់ សុខុន រួមទាំងមន្ត្រីជាន់ខ្ពស់កម្ពុជាមួយចំនួន ព្រមទាំងក្រុមអង្គការសង្គមស៊ីវិលមួយចំនួន។ មុនជំនួបមកដល់ ក្រុមអង្គការសង្គមស៊ីវិលនៅកម្ពុជា ដែលធ្វើការលើបញ្ហាសិទ្ធិមនុស្ស សង្ឃឹមថា លោកឧបការីក្រសួងការបរទេសអាមេរិក នឹងលើកយកបញ្ហាសិទ្ធិមនុស្ស និងដំណើរការលំហប្រជាធិបតេយ្យឲ្យបានទូលំទូលាយ។