ព្រឹត្តិការណ៍កម្ពុជាប្រចាំថ្ងៃ
តើការទន្ទ្រានកាន់កាប់ដីព្រៃលិចទឹកដោយខុសច្បាប់ បញ្ចប់ត្រឹមសារភាពហើយរួចខ្លួនឬ?
ចុះផ្សាយនៅថ្ងៃ៖
ស្តាប់ - ១១:៤៧
ប្រមុខរដ្ឋាភិបាលកម្ពុជា កាលពីចុងសប្តាហ៍មុន បានបញ្ជាឲ្យស្ថាប័នពាក់ព័ន្ធ ដឹកនាំដោយរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ចុះទៅស្រាវជ្រាវ និងបង្ក្រាបអ្នកទន្រ្ទានយកដីដោយខុសច្បាប់នៅតំបន់ព្រៃលិចទឹកបឹងទន្លេសាប។ ក្នុងអំឡុងពេលនៃការស្រាវជ្រាវយ៉ាងសកម្មប៉ុន្មានថ្ងៃកន្លងទៅនេះ មានមន្ត្រីមួយចំនួន បានចេញមកសារភាព ហើយប្រគល់ដីព្រៃលិចទឹកជាច្រើនរយហិចតាឲ្យរដ្ឋវិញ។ ការប្រគល់ដីឲ្យរដ្ឋវិញ ដោយមិនឃើញមានការដាក់ពិន័យ ទោសទណ្ឌ តាមអំណាចច្បាប់នេះ បានរងនូវការរិះគន់ពីសំណាក់អង្គការសង្គមស៊ីវិលនានាជាបន្តបន្ទាប់។
