ក្រៅពីហេតុផលទីផ្សារអន្តរជាតិ តើមានវិធីផ្សេងទៀតទេ ដើម្បីដោះស្រាយបញ្ហាសាំងឡើងថ្លៃ?
ចុះផ្សាយនៅថ្ងៃ៖
ស្តាប់ - ១១:១៣
ក្នុងរយៈពេលជិត១ខែ តម្លៃទីផ្សារលក់ប្រេងសាំងក្នុងប្រទេសកម្ពុជាបានហក់ឡើងក្នុងតម្លៃមួយដែលធ្វើឱ្យប្រជាពលរដ្ឋមានការត្អូញត្អែរច្រើន។ ក្រៅតែពី ការត្អូញត្អែររបស់ប្រជាពលរដ្ឋ គេក៏សង្កេតឃើញថា សំណួរជាច្រើនក៏បានចោទសួរឡើងពីមជ្ឈដ្ឋានទូទៅចំពោះដំណោះស្រាយជុំវិញបញ្ហាសាំងឡើងថ្លៃនេះផងដែរ។ ជាការឆ្លើយតប រដ្ឋាភិបាលបានចេញមកអះអាងថា បញ្ហាតម្លៃសាំងឡើងថ្លៃនេះ គឺមិនមែនដោយសារតែការបើកទ្វារប្រទេសវិញរបស់កម្ពុជានោះទេ ពោលគឺអាស្រ័យទៅលើតម្លៃប្រេងសាំងនៅលើទីផ្សារអន្តរជាតិប៉ុណ្ណោះ។ ជាក់ស្តែង សម្រាប់អ្នកសេដ្ឋកិច្ច និងអ្នកតាមដានសង្គមមួយចំនួនវិញ ក៏មិនបានបង្ហាញការប្រឆាំងទៅនឹងការលើកឡើងរបស់រដ្ឋាភិបាលកម្ពុជានោះទេ។ ប៉ុន្តែពួកគេ បានបង្ហាញទស្សនៈមួយចំនួន និងស្នើឱ្យរដ្ឋាភិបាលគួរសិក្សាអំពីលទ្ធភាពដែលខ្លួន ក្នុងការចូលរួមដោះស្រាយបញ្ហាដែលកំពុងបន្តកើតមាននេះ។
