អ្នកវិភាគនិងសង្គមស៊ីវិល៖ ប្រសិទ្ធភាពការងារមិនអាស្រ័យលើអគារការងារថ្មីឬចាស់ទេ?
ចុះផ្សាយនៅថ្ងៃ៖
ស្តាប់ - ១២:៥៩
រដ្ឋាភិបាលបានកែប្រែមុខមាត់ក្រសួងមួយចំនួនពីអគារចាស់ទៅជាអគារថ្មី ទំនើបស្កឹមស្កៃ ជាមួយនឹងការចំណាយថវិកាសាងសង់ខ្ទង់លានដុល្លារ។ ក្រសួងទាំងនោះរួមមាន៖ ក្រសួងសាធារណៈការ និងដឹកជញ្ជូនដែលដាក់ឲ្យប្រើប្រាស់រួចមកហើយកាលពីឆ្នាំ២០២០ បន្ទាប់មកក្រសួងរៀបចំដែនដីនគររូបនីយកម្មនិងសំណង់ ដែលទើបដាក់សម្ពោធឲ្យប្រើប្រាស់កាលពីម្សិលមិញ ក្នុងទំហំទឹកប្រាក់សាងសង់៣០លានដុល្លារ។ តាមគម្រោងនៅចុងឆ្នាំនេះ រដ្ឋាភិបាលក៏នឹងគ្រោងសម្ពោធដាក់ឲ្យប្រើប្រាស់អគារថ្មីនៃក្រសួងការពារជាតិ និងត្រៀមសាងសង់អគារថ្មីនៃក្រសួងមហាផ្ទៃនៅថ្ងៃខាងមុខដែរ ដោយគ្រោងចំណាយថវិកាសាងសង់៦០លានដុល្លារ។ នៅក្នុងឱកាសជាអធិបតីភាពសម្ពោធអគារក្រសួងដែនដី លោក ហ៊ុន សែន ផ្ដាំឱ្យមន្ត្រីទាំងអស់ថា «បើកន្លែងការងារល្អ ប្រសិទ្ធភាពការងារត្រូវខ្ពស់ដែរ»។ តែយ៉ាងណាមិញសម្រាប់មតិសង្គមស៊ីវិលក្នុងស្រុក និងអ្នកវិភាគក្រៅស្រុកយល់ថា ប្រសិទ្ធភាពការងារល្អមិនអាស្រ័យលើកន្លែងការងារទំនើបស្កឹមស្កៃ ក្នុងតម្លៃសាងសង់វាល់លាននោះទេ។