តើគួរមានយន្តការសង្គមណាដែលល្អ ដើម្បីជួយដល់អ្នកក្រីក្រឲ្យបានច្រើនគ្នា?
ចុះផ្សាយនៅថ្ងៃ៖
ស្តាប់ - ១២:២៥
នៅលើបណ្តាញសង្គមប៉ុន្មានថ្ងៃកន្លងទៅនេះ ជាពិសេសហ្វេសប៊ុក មហាជនបាននាំគ្នាបង្ហាញពីកុមារាអាយុ៧ឆ្នាំម្នាក់ ឈរតំរង់ជួរ ក្នុងឯកសណ្ឋានសិស្ស ព្យួរកាតចាក់វ៉ាក់សាំងកូវីដ-១៩ នៅនឹងដើមទ្រូង ដោយដាក់នៅក្នុងថង់ផ្លាស្ទីកមួយ។ កុមារដ៏គួរឲ្យអាណិតនេះ មិនមានស្បែកជើងពាក់ទេ សព្វថ្ងៃរស់នៅជាមួយឪពុក ម្តាយ ដែលមានជីវភាពក្រីក្រ ក្នុងស្រុកបន្ទាយស្រី ខេត្តសៀមរាប។ ជាការកត់សម្គាល់ ក្រោយពេលលោកនាយករដ្ឋមន្ត្រី ហ៊ុន សែន បានយករូបកុមារាតូចនេះ ផុសលើហ្វេសប៊ុករបស់លោក ក៏មានសប្បុរសជនជាបន្តបន្ទាប់ប្រកាសជួយដល់កុមារជាថវិកា និងសម្ភារផ្សេងៗ។ វាជាទឹកចិត្តប្រកបដោយបុណ្យដ៏អស្ចារ្យរបស់សប្បុរសជន។ ក៏ប៉ុន្តែនៅមានកុមារ និងពលរដ្ឋ ដែលមានស្ថានភាពបែបនេះច្រើនទៀត ដែលមិនមានសំណាងដូចនេះ។ តើគេគួរមានយន្តការយ៉ាងណា ដើម្បីជួយដល់អ្នកក្រីក្រឲ្យបានច្រើនគ្នា?
