អ្នកវិភាគនិងអ្នកជំនាញ៖ យន្តការបង្ហាញបណ្ណចាក់វ៉ាក់សាំងជាការរួមចំណែកទប់ស្កាត់ការចម្លងកូវីដមួយផ្នែកប៉ុំណ្ណោះ
ចុះផ្សាយនៅថ្ងៃ៖
ស្តាប់ - ១១:២៧
អាជ្ញាធររាជធានីភ្នំពេញក្នុងសប្តាហ៍នេះ បានប្រកាសអោយពលរដ្ឋបង្ហាញបណ្ណចាក់វ៉ាក់សាំងកូវីដ១៩ខ្លួនរាល់ពេលចេញចូលគ្រឹះស្ថានសិក្សា ផ្សារ និងទីតាំងអាជីវកម្មនានា។ អាជ្ញាធរក្រុងបានបញ្ជាក់ថាភូមិសាស្ត្រនៃរាជធានីភ្នំពេញត្រូវបានអនុវត្តសកម្មភាពនេះមុនគេ ដោយសារតែមានប្រជាពលរដ្ឋចាក់វ៉ាក់សាំងស្ទើរតែ១០០%ហើយ។ និងក៏ដើម្បីទប់ស្កាត់ការឆ្លងរាលដាលជំងឺកូវីដ១៩ ជាពិសេសប្រភេទបំប្លែងខ្លួន ខណៈរដ្ឋាភិបាលកំពុងអ៊ុតមើលពីលទ្ធភាពបើកដំណើរការឡើងវិញលើគ្រប់វិស័យនាពេលខាងមុខ។ អ្នកវិភាគនិងអ្នកជំនាញមួយចំនួនថា យន្តការបង្ហាញបណ្ណចាក់វ៉ាក់សាំងនេះ គឺជាការរួមចំណែកទប់ស្កាត់ការចម្លងជំងឺកូវីដ១៩មួយផ្នែកតូចតែប៉ុណ្ណោះ ពោលគឺមានតែការអនុវត្ត៣កុំនិង៣ការពារទើបជាដំណោះស្រាយប្រកបដោយប្រសិទ្ធភាព។