ការព្រមានរបស់នាយករដ្ឋមន្ត្រីទៅលើអ្នកវិភាគអាចនឹងប៉ះពាល់សេរីនៃការបញ្ចេញមតិនៅកម្ពុជាឬទេ?
ចុះផ្សាយនៅថ្ងៃ៖
ស្តាប់ - ១១:០៣
យ៉ាងហោចណាស់មានអ្នកវិភាគពីររូបនៅកម្ពុជា ត្រូវបានលោកនាយករដ្ឋមន្ត្រី ហ៊ុន សែន កាលពីម្សិលមិញបង្ហាញការមិនពេញចិត្តទាល់សោះ ចំពោះបទអត្ថាធិប្បាយរបស់ពួកគេ នាពេលកន្លងមក។ ម្នាក់ក្នុងចំណោមនេះ ដែលគេសង្ស័យថាជាលោក សេង សារី ត្រូវតុលាការកម្ពុជាចេញដីកាបង្គាប់ឲ្យសមត្ថកិច្ចតាមចាប់ខ្លួនក្រោយពីលោកបង្ហោះសារពាក់ព័ន្ធនឹងចលនាបង្កើតរដ្ឋាភិបាលបង្រួបបង្រួមជាតិ ដែលផ្តួចផ្តើមដោយលោក សម រង្ស៊ី។ ចំណែក បណ្ឌិត មាស នី លោក ហ៊ុន សែន ប្រាប់ឲ្យមានការប្រុងប្រយ័ត្នចំពោះការវិភាគរបស់ខ្លួន លើគោលនយោបាយការបរទេស។ បើតាមលោកនាយករដ្ឋមន្ត្រីអ្វីក៏ដោយឲ្យតែកម្ពុជាធ្វើជាមួយចិន បណ្ឌិត មាស នី ថា ខុសទាំងអស់។ តើការព្រមានរបស់នាយករដ្ឋមន្ត្រីទៅលើអ្នកវិភាគដូច្នេះ អាចនឹងប៉ះពាល់សេរីនៃការបញ្ចេញមតិនៅកម្ពុជាទេ?
