ប្រធានបទ«វត្តមានលោក ស ខេង នៅបារាំង» អាចជាវិញ្ញាសានយោបាយសម្រាប់អ្នកបន្តវេនបក្សកាន់អំណាចឬយ៉ាងណា?
ចុះផ្សាយនៅថ្ងៃ៖
ស្តាប់ - ១២:១៩
ជុំវិញវត្តមានរបស់លោកឧបនាយករដ្ឋមន្ត្រី ស ខេង នៅប្រទេសបារាំង ដែលមានការផ្សព្វផ្សាយពីមេដឹកនាំអតីតបក្សប្រឆាំង ថាមានជាប់ពាក់ព័ន្ធទៅនឹងការជជែកគ្នារឿងនយោបាយ ជាមួយមន្ត្រីអតីតបក្សប្រឆាំងនោះ កូនប្រុសរបស់មេដឹកនាំកំពូលទាំងពីររូបនៃគណបក្សកាន់អំណាច គឺលោក ស សុខា និងលោក ហ៊ុន ម៉ានី បានចេញមកប្រតិកម្មបន្តបន្ទាប់គ្នា។ គឺជាការបញ្ជាក់ដោយទាត់ចោលព័ត៌មានទាំងអស់នោះ។ ប្រតិកម្មរបស់អ្នកបន្តវេនគណបក្សប្រជាជនកម្ពុជាដូច្នេះ ត្រូវគេមើលឃើញថា ជាវិញ្ញាសានយោបាយមួយ ដែលមនុស្សជំនាន់មុននៃគណបក្សកាន់អំណាចចាត់ទុកថាជាតេស្ត និងជាការផ្តល់ឱកាសឲ្យអ្នកជំនាន់ក្រោយបង្ហាញសមត្ថភាព ដើម្បីរួមគ្នាការពារ និងថែរក្សាគណបក្ស ដែលមានវ័យចំណាស់មួយនេះតទៅមុខទៀត។
