តើការចាក់វ៉ាក់សាំងខ្វែងគ្នារវាងដូសទី១ ទី២ និងដូសទី៣ មានគុណសម្បត្តិ និងគុណវិបត្តិយ៉ាងណា?
ចុះផ្សាយនៅថ្ងៃ៖
ស្តាប់ - ១១:២៧
រដ្ឋាភិបាលកម្ពុជាកាលពីពេលថ្មីៗនេះ បានសម្រេចឲ្យ កងកម្លាំងប្រដាប់អាវុធ និងមន្ត្រីរាជការជួរមុខ នៅតាមខេត្តមួយចំនួនជាប់ព្រំដែនភាគខាងលិច ដែលបានចាក់វ៉ាក់សាំងចិន ស៊ីណូវ៉ាក់ និងស៊ីណូហ្វាម ដូសទី១ និងដូសទី២ ត្រូវបន្តចាក់ដូសទី៣បន្ថែមទៀតជាប្រភេទវ៉ាក់សាំងអាស្ត្រាហ្សេនីកា ដែលជាដូសជម្រុញ។ ក្រៅពីនេះ មន្ត្រីរាជការ និងអ្នកពាក់ព័ន្ធនៅទូទាំងប្រទេសក៏ត្រូវបានប្រាប់ឲ្យចាក់ដូសទី៣ ដូចគ្នានេះដែរ ទៅតាមកាលវិភាគជាបន្តបន្ទាប់។ ជុំវិញការចាក់ដូសទី៣ ដោយមានវ៉ាក់សាំងលាយគ្នា ឬខ្វែងគ្នានេះ មានការជជែកគ្នាជាច្រើន ដោយមានការលើកឡើងពីភាពស្រពិចស្រពិលនៃប្រសិទ្ធភាពរបស់វ៉ាក់សាំងចិនទាំងពីរ និងការបន្ថែមដូសទី៣ ជាប្រភេទវ៉ាក់សាំងផ្សេង។ ជាមួយគ្នានេះ អ្នកពាក់ព័ន្ធនឹងបញ្ហាសុខភាព និងសង្គមខ្លះ ក៏បានលើកទឹកចិត្ត ដោយសារតែប្រទេសមួយចំនួនបានអនុវត្តដូចគ្នានេះ ហើយនៅមិនទាន់មានផលប៉ះពាល់អ្វីគួរឲ្យកត់សម្គាល់នៅឡើយ។