តើថ្ងៃទី២៩ ខែធ្នូ ឆ្នាំ១៩៩៨ ពិតជាថ្ងៃបិទបញ្ចប់សង្រ្គាមស៊ីវិលទាំងស្រុងនៅក្នុងប្រទេសកម្ពុជាឬ?
ចុះផ្សាយនៅថ្ងៃ៖
ស្តាប់ - ១១:៣៣
គណបក្សប្រជាជនកម្ពុជាបានកំណត់យកថ្ងៃទី២៩ ខែធ្នូជារៀងរាល់ឆ្នាំ ដើម្បីជួបជុំមហាជនប្រារព្ធពិធីចងចាំសន្តិភាព និងអរគុណសន្តិភាព និងការបញ្ចប់សង្រ្គាមស៊ីវិលនៅកម្ពុជា។ ប៉ុន្តែនៅឆ្នាំនេះ ដោយសារតែមានវិបត្តិជំងឺកូវីដ១៩ ការជួបជុំមហាជនត្រូវបានលុបចោលទៅវិញ។ គណបក្សប្រជាជនកម្ពុជា និងអ្នកវិភាគនៅកម្ពុជាខ្លះបានដូចគ្នាថា ថ្ងៃ២៩ ខែធ្នូ ឆ្នាំ១៩៩៨ គឺជាថ្ងៃបិទបញ្ចប់សង្រ្គាមស៊ីវិលនៅកម្ពុជា ដោយបានរំលាយចោលបានទាំងស្រុងនូវអង្គការចាត់តាំងខ្មែរក្រហម។ ប៉ុន្តែ អ្នកនយោបាយអតីតបក្សប្រឆាំងបានអះអាងបែបនេះវិញថា វា អាចចាត់ទុកថា ជាការបញ្ចប់សង្រ្គាមស៊ីវិលបានច្រើន តែមិនទាន់ជោគជ័យទាំងស្រុងនោះទេពេលនោះ។
