២៣តុលា៖ ប្រែក្លាយពីនិម្មិតរូបនៃថ្ងៃសន្តិភាពទៅជាថ្ងៃជំលោះរវាងខ្មែរ?
ចុះផ្សាយនៅថ្ងៃ៖
ស្តាប់ - ១១:២៥
ដើម្បីលើកទឹកចិត្តដល់អ្នកវិនិយោគដោយបន្ថយថ្ងៃឈប់សម្រាកឲ្យមកនៅតិចបំផុត រដ្ឋាភិបាលកម្ពុជាកាលពីឆ្នាំទៅបានសម្រេចលុបចោលថ្ងៃ២៣តុលា ដែលជាថ្ងៃធ្លាប់តែមានការអបអរថាជាថ្ងៃនៃកិច្ចព្រមព្រៀងសន្តិភាពទីក្រុងប៉ារីសសម្រាប់ភាគីខ្មែរដែលមានវិវាទគ្នា។ រដ្ឋាភិបាលសំអាងថាខ្លឹមសារនៃកិច្ចព្រមព្រៀងនេះ បានដាក់បញ្ចូលទៅក្នុងរដ្ឋធម្មនុញ្ញកម្ពុជា និងត្រូវបានអនុវត្តរាល់ថ្ងៃ។ តែភាគីខ្មែរដទៃទៀត នៅតែប្រកាន់ជំហរគោរព និងឲ្យតម្លៃកិច្ចព្រមព្រៀងទីក្រុងប៉ារីសនេះ ដូចកាលពីមុន គឺការអបអរដល់ទិវានេះ ព្រមទាំងជំទាស់ដល់ការផាត់ចោលថ្ងៃដ៏សំខាន់នេះនៅក្នុងប្រតិទិននៃការឈប់សម្រាកសាធារណៈប្រចាំឆ្នាំ។
