បទសម្ភាស
លោក ចាន់ យុត្ថា៖សីតុណ្ហភាពនឹងធ្លាក់ចុះ៥អង្សារសេពីកំដៅបច្ចុប្បន្នដែលមានជាង ៤០អង្សារសេ
ចុះផ្សាយនៅថ្ងៃ៖
ស្តាប់ - ១០:៤៤
បន្ទាប់ពីខកខានឃើញទឹកភ្លៀងសូម្បីតែភ្លៀងកក់ខែអស់រយៈពេល៦ខែមក ទឹកភ្លៀងបានចាប់ផ្តើមធ្លាក់បណ្តើរៗនៅតាមតំបន់មួយចំនួនចាប់ពីថ្ងៃទី០៣ ខែឧសភា ឆ្នាំ២០២៤ នេះទៅ។ តែវាគ្រាន់ជាភ្លៀងកក់ខែប៉ុណ្ណោះ ខណៈរដូវវស្សាពិតប្រាកដនឹងឈានមកដល់នៅសប្តាហ៍ទី៤ នៃខែឧសភានេះ។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី០៣ ខែឧសភានេះ លោក ចាន់ យុត្ថា អ្នកនាំពាក្យក្រសួងធនធានទឹក និងឧត្តុនិយមបានបញ្ជាក់ថា ដោយសារភ្លៀងចាប់ផ្តើមធ្លាក់រាយប៉ាយ សីតុណ្ហភាពអតិប្បរមានឹងធ្លាក់ចុះមកនៅចន្លោះពី៣៦ ទៅ ៣៨អង្សារសេ ចាប់ពីថ្ងៃទី០៥ ខែឧសភាខាងមុខ។
