អ្នកឧកញ៉ា ហ៊ុន ឡាក់៖ ឧកញ៉ាត្រឹមត្រូវមានការអៀនខ្មាស់ចំពោះការផ្សាយម៉ៅអួរពេលបុគ្គលឧកញ៉ាខ្លះធ្វើខុស
ចុះផ្សាយនៅថ្ងៃ៖
ស្តាប់ - ១២:៣៣
នៅថ្ងៃពុធ ទី១៣ ខែមីនានេះ សមាគមឧកញ៉ាកម្ពុជាបានចេញសេចក្តីប្រកាសព័ត៌មានមួយ ដោយស្នើសុំឲ្យប្រព័ន្ធផ្សព្វផ្សាយ និងបណ្តាញសង្គមនានាផ្សាយនូវការពិត និងដោយចំពោះបុគ្គល ដែលបានប្រព្រឹត្តកំហុស ចៀសវាងការភ្ជាប់សាច់រឿងអាស្រូវទាំងអស់នោះជាមួយនឹងគោរមងារឧកញ៉ាទូទៅ។ នៅក្នុងកិច្ចសម្ភាសជាមួយវិទ្យុបារាំង RFI ក្នុងថ្ងៃទី១៣ ខែមីនា ឆ្នាំ២០២៤នេះ អ្នកឧកញ៉ា ហ៊ុន ឡាក់ អ្នកនាំពាក្យសមាគមឧកញ៉ាកម្ពុជា បានលើកឡើងថាការចេញសេចក្តីប្រកាសនៅថ្ងៃនេះ គឺដើម្បីញែកឲ្យបានច្បាស់ដល់ប្រព័ន្ធផ្សព្វផ្សាយ និងមហាជនកុំឲ្យម៉ៅបញ្ចូលគ្នាទាំងឧកញ៉ាដែលមានក្រមសីលធម៌ត្រឹមត្រូវ។ ការបញ្ជាក់របស់អ្នកនាំពាក្យសមាគមឧកញ៉ារូបនេះ ក៏ព្រោះតែឧកញ៉ា ឡេង ចាន់ណា ត្រូវបានសមត្ថកិច្ចចាប់ខ្លួន ក្រោយធ្វើសកម្មភាពបោកប្រាស់ប្រជាពលរដ្ឋជាច្រើននាក់នៅខេត្តសៀមរាប។