ឧកញ៉ាសុង សារ៉ន៖ កម្មវិធីទិញលក់ស្រូវតាមទូរស័ព្ទនឹងជួយកសិកររកទីផ្សារស្រូវ
ចុះផ្សាយនៅថ្ងៃ៖
ស្តាប់ - ១១:៣៣
កាលពីថ្ងៃទី២៧ ខែកុម្ភៈ ឆ្នាំ២០២៤ សហព័ន្ធស្រូវអង្ករកម្ពុជា បានប្រកាសដាក់ឲ្យដំណើរការជាផ្លូវការនូវកម្មវិធីទិញលក់ស្រូវតាមទូរស័ព្ទដៃ(Paddy App) ដើម្បីផ្តល់ភាពងាយស្រួលដល់កសិករក្នុងការដាក់លក់ស្រូវតាមប្រព័ន្ធឌីជីថល។ កម្មវិធីដែលគាំទ្រដោយទីភ្នាក់ងារអភិវឌ្ឍន៍បារាំង AFD មួយនេះ បានដាក់ឲ្យសហគមន៍កសិករជាង៣០ ដែលតំណាងឲ្យជាង១ម៉ឺនគ្រួសារ ធ្វើការសាកល្បងដាក់លក់ផលិតផលរបស់គាត់។ នៅក្នុងកិច្ចសម្ភាសជាមួយវិទ្យុបារាំងនៅថ្ងៃពុធ ទី២៨ ខែកុម្ភៈនេះ លោកឧកញ៉ា សុង សារ៉ន ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជាបានគូសបញ្ជាក់ថាកម្មវិធីទិញលក់ស្រូវតាមទូរស័ព្ទដៃនេះ ពិតជាមានសារៈសំខាន់ដល់កសិករក្នុងការស្វែងរកទីផ្សារលក់ស្រូវរបស់ពួកគាត់តាមប្រព័ន្ធឌីជីថល។