បទយកការណ៍
លោកស្រីSylvie Tannerskog ធ្វើម្ហូបដោយគិតដល់សុខភាព បរិស្ថាន និងការសន្សំសំចៃ
ចុះផ្សាយនៅថ្ងៃ៖
ការធ្វើម្ហូបមួយមុខមិនមែនគិតត្រឹមរសជាតិ និងភាពតុបតែងដើម្បីទាក់ទាញភ្នែកតែប៉ុណ្ណោះទេ ប៉ុន្តែ វាសំខាន់ណាស់ដែរដែលគេត្រូវគិតទៅដល់បញ្ហាសុខភាព ការសន្សំសំចៃ និងបរិស្ថាន។ នេះជាគោលការណ៍សំខាន់នៅក្នុងការធ្វើម្ហូបរបស់លោកស្រី Sylvie Tannerskog។ លោកស្រីSylvie Tannerskog ធ្លាប់មានឪពុកម្តាយជាម្ចាស់ភោជនីយដ្ឋាននៅខេត្តទូលូស ភាគខាងត្បូងប្រទេសបារាំង ជាទីដែលក្រុមគ្រួសារមួយនេះបានមកតាំងទីនៅពេលរត់ភៀសខ្លួនពីប្រទេសកម្ពុជានៅក្រោយសម័យខ្មែរក្រហម។
