បទយកការណ៍
ជិះកង់នៅអឺរ៉ុបដើម្បីកុមារអង្គរ៖ ផូផល្លាជួបជនបរទេសដែលស្រឡាញ់ប្រទេសកម្ពុជា
ចុះផ្សាយនៅថ្ងៃ៖
ផូ ផល្លាចំណាយពេល ៤១ថ្ងៃ (ពីថ្ងៃទី២៥កក្កដា ដល់ថ្ងៃទី៩កញ្ញា) ដើម្បី ជិះកង់៣ពាន់គីឡូម៉ែត្រ នៅក្នុងប្រទេសនៅអឺរ៉ុបចំនួន៨ ដូចជាបារាំង ប៊ែលហ្សិក ស៊្វីស អ៊ីតាលី ហូឡង់ អាល្លឺម៉ង់ និងអង់គ្លេស។ នៅក្នុងដំណើរជិះកង់ឆ្លងកាត់ពីប្រទេសមួយ ទៅប្រទេសមួយនៅក្នុងទឹកដីអឺរ៉ុប ផូ ផល្លាចំណាយថវិកាផ្ទាល់ខ្លួនជាង១ពាន់ដុល្លារ នៅក្នុងគោលដៅស្វែងរកការរៃអង្គាសថវិកាសម្រាប់មន្ទីរពេទ្យកុមារអង្គរ។ គិតត្រឹមចុងខែកញ្ញាដែលជាការបិទបញ្ចប់សកម្មភាពជិះកង់ លោក ផូ ផល្លាស្វែងរកបានថវិកា ចំនួន ១០៥០០ដុល្លារសម្រាប់មន្ទីរពេទ្យកុមារអង្គរ។ ក្រៅពីជិះកង់ដើម្បីកម្មវិធីមនុស្សធម៌ ផូ ផល្លារៀនសូត្របានច្រើនពីការរៀបចំក្រុងនៅអឺរ៉ុបដែលផ្តោតអាទិភាពលើការជិះកង់ដើម្បីសុខភាព និងបរិស្ថាន។
