កសិករតវ៉ា៖ ក្រុមលោក ថេង សាវឿន ចេះតែបង្រៀនឲ្យកសិករចេះធ្វើកសិកម្មមិនប្រើថ្នាំគីមី មិនដែលញុះញង់ឲ្យធ្វើបដិវត្តទេ
ចុះផ្សាយនៅថ្ងៃ៖
ស្តាប់ - ០៧:៣១
កសិករមកពីបណ្ដាខេត្តផ្សេងៗគ្នា ពួកគេបានមកស្នាក់នៅវត្តសាមគ្គីរង្សី រាជធានីភ្នំពេញ ដើម្បីធ្វើការតវ៉ាទាមទារឲ្យដោះលែងលោក ថេង សាវឿន ប្រធានសមាគមសម្ព័ន្ធកសិករកម្ពុជា (CCFC) និងសហការីចំនួន២រូបទៀត គឺលោក ញ៉ិល ភាព និងលោក ថាច់ ហាច ដែលត្រូវបានសមត្ថកិច្ចចាប់ឃាត់ខ្លួន និងតុលាការចោទប្រកាន់ថា រួមគំនិតក្បត់ និងបទចោទញុះញង់។ កសិករទាំងនេះ បានធ្វើការប្រមូលផ្ដុំតវ៉ានៅក្បែរក្រសួងមហាផ្ទៃ ដើម្បីសុំកិច្ចអន្តរាគមន៍ពីលោក ស ខេង រដ្ឋមន្រ្តីក្រសួងមហាផ្ទៃ ស្នើឲ្យមានការដោះលែង ដោយកសិករទាំងនេះ អះអាងថា លោក ថេង សាវឿន និងសហការី មិនដែលញុះញង់ឲ្យកសិករធ្វើបដិវត្តទេ មានតែបង្រៀនឲ្យកសិករចេះធ្វើកសិកម្មមិនប្រើប្រាស់ថ្នាំគីមីតែប៉ុណ្ណោះ។