បទយកការណ៍
មុនចូលឆ្នាំខ្មែរ៖ រថយន្តឈ្នួលខ្លះចាប់ផ្ដើមឡើងថ្លៃបណ្ដើរៗ ប៉ុន្តែអ្នកដំណើរខ្លះថាគ្មានបញ្ហា
ចុះផ្សាយនៅថ្ងៃ៖
ស្តាប់ - ០៧:១០
នៅសល់តែប៉ុន្មានថ្ងៃទៀតប៉ុណ្ណោះពិធីបុណ្យចូលឆ្នាំប្រពៃណីជាតិខ្មែរនឹងឈានចូលមកដល់ ពោលគឺនៅចុងសប្ដាហ៍នេះ ដែលត្រូវនឹងថ្ងៃទី ១៤-១៥-១៦ ខែមេសា។ មុនបុណ្យចូលឆ្នាំខ្មែរឈានមកដល់ មានរថយន្តឈ្នួលដឹកអ្នកដំណើរខ្លះ ចាប់ផ្ដើមតម្លើងថ្លៃជាបណ្ដើរៗ ខណៈខ្លះទៀតតម្លៃរក្សាដូចថ្ងៃធម្មតាដដែល។ យ៉ាងណាមិញការតម្លើងថ្លៃរបស់រថយន្តឈ្នួលដឹកអ្នកដំណើរខ្លះនេះ ធ្វើឲ្យអ្នកដំណើរមួយចំនួនត្អូញត្អែរ និងស្នើសុំឲ្យរក្សាតម្លៃនៅដដែលដូចថ្ងៃធម្មតា ប៉ុន្តែអ្នកដំណើរខ្លះថាការឡើងថ្លៃនេះ បានតែមួយពេលៗប៉ុណ្ណោះ មិនមែនជាបញ្ហាសម្រាប់ពួកគេឡើយ។