លោក លាវ គឹមឈត៖ «ខ្ញុំមិនសប្បាយចិត្តទេ បើគេទិញគំនូរដោយភាពអាណិត តែខ្ញុំនឹងសប្បាយចិត្តបើគេទិញដោយឃើញពីតម្លៃ»
ចុះផ្សាយនៅថ្ងៃ៖
ស្តាប់ - ០៨:១៨
មានបទពិសោធន៍លើអាជីពជាអ្នកគូរគំនូរជាង៣០ឆ្នាំ លោក លាវ គឹមឈត បានសម្រេចប្រើប្រាស់ពេលវេលានៃជីវិតរបស់លោក ដោយជិះគង់មកតាមបណ្តោយមាត់ទន្លេដើម្បីគូរគំនូរលក់ជូនភ្ញៀវទេសចរ និងក៏ដើម្បីតាំងបង្ហាញអំពីសិល្បៈគំនូរដល់មនុស្សភាគច្រើនបានមើលរំលង។ មានវ័យប្រមាណ៥០ឆ្នាំ លោក លាវ គឹមឈត បានរៀបរាប់ថា គំនូរដែលលោកភាគច្រើនគឺមានលក្ខណៈតូចល្មម ដែលងាយស្រួលសម្រាប់ទុកដាក់។ ប៉ុន្តែយ៉ាងណា វិចិត្រកររូបនេះបញ្ជាក់ថា លោកមិនសប្បាយចិត្តនោះទេ នៅពេលណាដែល ភ្ញៀវទេសចរទិញស្នាដៃរបស់លោក ជាថ្នូរនឹងការអាណិត ប៉ុន្តែលោកនឹងសប្បាយចិត្តទៅវិញ បើអ្នកទិញបានឃើញពីគុណតម្លៃនៃគំនូររបស់លោកដែលខំប្រឹងបែបនេះ។
