បទយកការណ៍
លោកយាយ ទេព អឿន ទទួលបានប្រាក់១០ម៉ឺនរៀលលើកដំបូងពីរដ្ឋជាមួយនឹងក្ដីរំពឹងបន្តទទួលបាន
ចុះផ្សាយនៅថ្ងៃ៖
ស្តាប់ - ០៨:២៨
លោកយាយ ទេព អឿន ទទួលបានប្រាក់១០ម៉ឺនរៀលជាលើកដំបូងពីរដ្ឋាភិបាលតាមរយៈកម្មវិធីឧបត្ថម្ភសាច់ប្រាក់ជូនគ្រួសារក្រីក្រ។ រស់នៅក្នុងផ្ទះខ្ទមសង់ជាប់នឹងដី ដំបូលប្រកសង្ខសី លោកយាយ ទេព អឿនរៀបរាប់ថា ១០ម៉ឺនរៀលសម្រាប់អ្នកធូរធាអាចជាចំនួនមួយតិច តែសម្រាប់អ្នកអត់ដូចលោកយាយជាចំនួនមួយខ្ពស់។ មុននិងក្រោយទទួលបានប្រាក់ឧបត្ថម្ភពីរដ្ឋាភិបាលលោកយាយនិងប្ដីគ្មានអ្វីជាទីពឹងឡើយ ខណៈចំណូលបានពីកូនអាស្រ័យលើការរកបានប្រចាំថ្ងៃរបស់ពួកគេដែរ។ ម្ល៉ោះហើយលោកយាយរំពឹងថា នឹងទទួលបានប្រាក់ឧបត្ថម្ភនៅបីខែបន្ទាប់។
