សិស្សានុសិស្សជាច្រើនដែលបានប្រឡងជាប់ថ្នាក់ទី១២ មកពីបណ្ដាខេត្តផ្សេងៗគ្នាបានសម្រុកមកទិញពាក្យចូលរៀននៅសាកលវិទ្យាល័យភូមិន្ទនីតិសាស្រ្ត និងវិទ្យសាស្រ្តសេដ្ឋកិច្ច ជំនាញផ្នែកនីតិសាស្រ្តឬហៅម្យ៉ាងទៀតថាច្បាប់។ សិស្សានុសិស្សទាំងនេះ បានអះអាងថា ការដែលពួកគេទិញពាក្យចូលរៀនផ្នែកច្បាប់នេះ គឺក្នុងគោលបំណងអនាគតចង់ក្លាយជាមេធាវីម្នាក់ ដើម្បីការពារភាពយុត្តិធម៌សង្គម ខណៈអ្នកស្រាវជ្រាវវិញគាំទ្រការរៀនជំនាញដែលខ្លួនចូលចិត្ត។
