គ្រូបង្ហាត់សៀកលោក វង្ស វណ្ណៈ ប្រាថ្នាចង់ឃើញអនាគតអ្នកបន្តវេន
ចុះផ្សាយនៅថ្ងៃ៖
ស្តាប់ - ០៧:៤៩
ការសម្ដែងសៀកជាតិបានត្រឡប់មកជាថ្មី ក្រោយរោងសម្ដែងបានគ្របទុកចោលអស់រយៈពេលពីរឆ្នាំដោយសារវិបត្តិកូវីដ១៩។ នៅអាទិត្យទី១៨ខែធ្នូនេះគឺជាថ្ងៃចុងក្រោយនៃការសម្ដែងបន្ទាប់ពីការសម្ដែងបានចាប់ផ្ដើមតាំងពីថ្ងៃទី១៦ធ្នូមក។ អ្នករៀបចំកម្មវិធីបានវាយតម្លៃថា ពីរថ្ងៃមកនេះអ្នកទស្សនាអញ្ជើញមកមើលការសម្ដែងសៀកប្រមាណ៣០ភាគរយទេ។ ចំនួននេះគេគណនាតាមចំនួនកៅអីក្នុងរោងសៀកសរុបប្រមាណជា១ពាន់កន្លែង តែអ្នកអង្គុយមើលជាក់ស្ដែងក្នុងមួយថ្ងៃជាង១០០នាក់ទេ។ លោក វង្ស វណ្ណៈ គ្រូបង្ហាត់សៀកនៅសាលាមធ្យមវិចិត្រសិល្បៈបានបង្ហាញវត្តមានមុនការសម្ដែងមកដល់ថា ចំនួនអ្នកទស្សនាជាកម្លាំងចិត្តជំរុញសម្ដែង ហើយទោះជាអ្នកទស្សនានៅមានកម្រិតតែគេបន្តឆ្ពោះទៅមុខ។៩ឆ្នាំនៅក្នុងទម្រង់សិល្បៈជើងមិនជាប់ដីឬហៅថា(សៀក) លោក វង្ស វណ្ណៈ ប្រាថ្នាចង់ឃើញអនាគតអ្នកបន្តវេន។