កីតម្បាញជាច្រើនត្រូវបានគ្របទុកចោលនៅឃុំពារាម ស្រុកបាទី ខេត្តតាកែវ ដោយសារការប្រែប្រួលនៃបរិបទសង្គម។ អ្នកជំនាន់ក្រោយគេចាប់យកជម្រើសថ្មី និងជំនាញផ្សេងដែលផ្ដល់បៀវត្សខ្ពស់ដោយមើលរំលងការងារសិប្បកម្មត្បាញហូរ។ នេះជាការលើកឡើងរបស់អ្នកជំនាន់មុនដែលធំដឹងក្ដីជាមួយនឹងកីតម្បាញ។ ក្រុមស្ត្រីត្បាញហូរដដែលបានបង្ហាញក្ដីបារម្ភពេលអនាគត និងចំពោះមុខគ្មានអ្នកស្នងកី។
